MTV Europe Music Awards 2010 -ah Lady Gaga-i'n Lawmman Pathum Dawng

Ni 7 November 2010, Chawlhni-a MTV Europe Music Awards 2010 hlanna, Caja Magica stadium – Madrid-a neihah, American recording artist Lady Gaga-i chuan lawmman pathum zet a dawng a, tun tum MTV Europe Music Awards 2010 lawmman hlanna-a mimal lawmman dawng tam ber a ni. Lady Gaga-i hian a video Bad Romance-ah best female, best pop act leh best song lawmman a dawng a ni.

A zinna hmun Budapest- Hungary atangin, via satellite link (video) hmangin he lawmman hlanna-ah hian Lady Gaga-i chuan lawmthu a sawi a ni.

Kan hriat theuh angin ni 12 September 2010 , Chawlhni zan - Nokia Theater, Los Angeles-a The American cable television network based in New York City MTV Video Music Awards hlanna-ah pop singer Lady Gaga-i hian moonmen trophy 8 zet dawngin record a lo siam tawh a ni. Khami tum khan Lady Gaga-i hian Best Dance Music video, Best Collaboration -- with “Telephone” co-star Beyonce, Best Female Video, Best Dance Music Video, Best Pop Video, Best Choreography, Best Direction leh Video of the Year lawmman te a  dawng a ni.

Lady Gaga-i hi khawvel mihring la dam zinga khawvel social network lar ber Facebook fans tluklehdingawn khat chuang nei hmasa ber leh fans nei ngah ber a ni. Tuna he thu kan buatsaih mek lai (11:24am Monday (GMT)) hian Lady Gaga-i hian Facebook-ah fans 22,043,874 a nei a ni. US President Barack Obama hian Facebook fans 15,616,629 a nei. Lady Gaga-i hian Facebook fan  ngah ber number 6-na a hauh a ni. A chungah chuan Texas Hold 'em Poker, Michael Jackson, Mafia Wars, Facebook leh the US TV show Family Guy te an awm a ni.

Thulakna: AP, BBC, CBS News