MTKP-in Zonunmawi Beihpui Chhunzawm Dawn

20/03/2010 01:15

Mizoram TKP chuan Zonunmawi Beihpui an chhunzawm zel dawn a,an inkhawmpui hi kum hnih danah neih tawh ni se, kum 2013-ah Haulawng Pastor bialin thleng se an ti. Mizoram TKP Inkhawmpui vawi 56-na, Joint YMA Field, Vaivakawna neih, nimina rorel inkhawm BCM Biak In, Kanan Vengah neihah chuan kum 2011 chhungin Mission support chhunzawmleh ni se an ti a. A tul dan ang zelin electronic media pawh hman tangkai ni se an ti.

Mizoram TKP chuan nakkum hian kum 60 an tlinna lawm ni se an ti a, Junior TKP tan inkaihhruaina siam ni se, MTKP inkhawmpui 2013 thlengtu tanpui nan unit tin kumkhatah vawikhat tal fehchhuah theih ni se an ti bawk. Nakkum budget atan Rs.5,00,000 an pawm.

Kum 2010-2012 chhungatan MTKP hruaitu atan President-ah Rev.Vanlalhruaia, Vice President-ah Pu P.C.Vanlalrova, Organiser Rev.Samuel Lalremsanga, Asstt. Secretary Pu R.Lalrochama, Treasurer Pu F.Lalromawia, Financial Secretary - Victor Lalrinawma, Sr.Adviser Upa K.Lianhmingthanga.

Thulakna: Mizo Aw

Back