Mt.Everest láwn chhuak chawimawi

09/06/2010 21:04

Mizo zinga Mt. Everest-a láwn chhuak hmasa ber, Dr Samuel Lalrintluanga chu nimin khan Sports Minister Zodintluanga’n a office-ah lawmpuina leh chawimawina Rs. 1,00,000 leh certificate a hlan.

Minister Zodintluanga chuan, Mizo thalaite tih ve theih tura kan dah ngai loh Capt. Dr. Samuel Lalrintluanga'n a ti thei chu Mizo thalaite tana rahbi thar tuktu leh chona nasa tak siamtu a nih thu a sawi a; Samuela hlawntlinna chuan infiamna hrang hranga Mizo thalaite tan la zual tura phûrna thar a pek ngei a beisei thu a sawi bawk.

Capt. Samuel Lalrintluanga hi March 25, 1981-a piang niin, October 2006-ah Army Medical Corps-ah Medical Officer hna a zawm a; March 2007 khan Nehru Institute of Mountaineering-ah post niin, May 21, 2009 khan Mt. Everest-ah a láwn chhuak a ni.

Thulakna: Vanglaini

Back