MSU-in MZU An Nawr Dawn

15/04/2010 00:54

Mizo Students Union chuan Mizoram University-ah tun thlenga Socialogy department a la awm lo chu he University thuneituten an ngaihthah vangah an ngai a, Plan 11-na chhung ngeia Sociology department MZU-a hawn a nih theih nan MZU thuneitute hnenah nawr ni se an ti.

Nimina MSU Executive Committee, an office-a inkhawm chuan MZU-ah chawmtu subject nei lo subject tamtak hawn a nih tawh laiin Mizoram college hrang hranga zirna awm, Sociology zirna MZU-a a awm loh avangin he subject College-a pass chhuak tawh zir zel duhte an baihvai hle thin a ni an ti.

College-a Sociology pass chhuakte chuan MZU-ah Master of Social work an lak thin a ngai a, chu pawh chu 2% vel chauh seat rizapsak an ni thin a ni an ti. MZU-a Socialoogy department hi Academic Council leh Executive Council-ah pass a nih chuan hawn mai theih a ni an ti a. Mizo zirlaite harsatna hrethiama Sociology department hi hawn dan ngaihtuah turin MZU thuneitute chu an ngen a n.

MSU hian Mizoram chhunga hnathawka lut company-ten hnathawktu an lak chungchangah ram leilung faten duhsakna an chang lo niin an hria a, zirchian ni se an ti.

Thulakna: Mizo Aw

Back