MSU-in Chakmate Dodal thar

25/03/2010 00:59

Mizo Students' Union chuan tun hnaia Mizoramin kan mikhual Tuikuk te hnen atanga Mizo mipuiten harsatna kan tawh hnu lawka Bangladesh leh Myanmar atanga Mizoram rawn lutru leh awmhmun rawn in bengbel Chakma ten District an ngiat thar ve ringawt chu an duh loh thu leh awm lo an tih thu an puang.

MSU chuan Chakma te puala Administrative District siam thar leh hi Mizo hmasawnna tur atana kawng pawimawh a nihna an hriat loh thu an tarlang a, British-in Mizoram an rawn awpbeh laia thuamphura an rawn hruailuh Chakma ten a theihna kawng kawnga Zofate min bei reng leh kan ram neih chhun thendarh a nih theih nana hma an la reng mai chu an dodal thu an puang bawk.

Mizoten party-ah hamthatna kan zawn luat avang leh mahni hma kan sial avangin Mizoram chhungah Chakma ten Autonomous district an nei a, India dan puia hming lang khawpin an awm theihna pek an ni tawh. Hei bak thil dang thlentir leh hi MSU chuan Mizo hnam ral hma loh chuan an phal tawh lo niin an thuchhuah chuan a tarlang bawk.An thuchhuahin a tarlan zel danin Mizorama Chakma te lo lanna hmasa ber kum 1901-ah mihring 198 an awm a, tunah erawh beisei phak loh khawpa pungchak an ni tawh. Hetianga Mizo mipuite laka Chakmate hian harsatna an siam reng a nih chuan an homeland, Bangladesh, Rajakar-ah chhuk thla leh vek se an ti.

Thulakna: Mizo Aw

Back