MSU-in Bru Hel Awmna hria...Assam Ramri Sawifel Thuai An Phut

24/02/2010 05:01

MIZO AW : Mizo Students Union chuan Mamit district Thinghlun leh Assam inrina bul ramhnuaiah Bru hel silai keng 10 bawr vel an khawsa nia hriat a ni tiin sawrkarin ngaihven rang tur leh Bungthuam hmuna 4th IR Police 22 awm chu an indaih lo deuha a lan avangin sawrkarin dahbelh turin an phut.

Nimin khan MSU hruaitute chuan Aizawl Press Club-ah chanchinbumite kawmin tun hnaia Bilkhawthlir Keicham veng Zorammuani Vairengte leh Lailapur inkara a thihna chu Mizoram chhung ngei a ni an ti a.Helai vel hi Assam sawrkarin a rawn chuh buai reng a ni tiin Chief Minister/Chief Secretary levelah chinfel a nih theih nan inbiakna nei turin Mizoram sawrkar an ngen.

Zorammuani thattu a rang thei ang bera man chhuak a, a tul dan anga Mizoram chhung ngeia hremna na thei ang ber pek an phut a. Zorammuani hi MSU Sub Hqrs. Bilkhawthlir chuan Rs.800-in an ral tih sawiin MSU Hqrs. Vairengte-in Zorammuani thih chungchanga an hma lak danah lawmthu an sawi.

Back