MSU leh NGO thenkhat inkâwm MZU V/C lakah FIR an thehlut

21/05/2010 15:49

Mizoramn University hnuaia hnathawk tur lâk chungchanga thu kal mekah, Mizo Students' Union (MSU) chuan nimin khan an office-ah NGO thenkhat hruaitute an kâwm a, India President leh MZU Chancellor ni bawk hnenah MZU Vice Chancellor hêkna memorundum thawn nise, an ti a

Meeting-ah hian NGO hrang hrang sawm a ni a, PAMRA, SSU, NTUM, MURA leh MEWA-te an kal a; CYMA, MZP, MHIP leh MUP chuan aiawh an tir lo. Central YMA chuan nimin tlai khan MSU hruaitute chu an office-ah an kâwm ta zawk a ni.

NGO meeting-ah hian, MZU V/C chu office compound-a meizûk chíngah puhin, dan palzût a ni, an ti a; Mizote tribal kan nih avanga hmuhsit chíngah puh bawkin, police-ah FIR thehluh an rel a, hemi bawhzui hian MSU chuan nimin vek khan Aizawl SP hnenah FIR hi an thehlut nghal a ni.

Meeting chuan, a huhoin Chief Minister Lal Thanhawla hmuh a, MZU Vice Chancellor a chhuah theih nan hma lakpui tura ngen nise, an ti bawk.

Hetihlai hian MZU-a Associate Professor leh Assistant Professor tur atan interview thawh khatna, tun thla atana a ruahman chu zawh fel thawkhat a ni.

University thuneitute hnen atanga thudawn danin, nimin khan Commerce Department-a thawk turte interview an ni a, Mass Communication, English, Hindi leh Management-a thawk turte interview neih a lo ni tawh a, a dawt leh chu June thla lamah a ni tawh dawn a ni.

Thulakna: Vanglaini

Back