Motor-ah mi nu pawngsual

17/04/2010 00:34

Ningani zana mi nu hruaikawia pawngsualtu-a puh Lalramtiama (22) s/o Selrikhuma, Edenthar Veng nia inchhal leh a thiante pathum chu Bawngkawn Police ten nimin khan manin Aizawl Police Station-a Women Cell-ah an hlan.

Selrikhuma leh a thiante hian Ningani zan dar 12 vel khan Bolero MZ-01/D-8828 hmangin pawmlai nei nu pakhat, kum 30 mi vel chu Zodin Square atanga phurin Rangvamual vela an hruai hnu-ah Falkland vengah pawngsual tumin an beihrawn a. Selrikhuma hian motor chhungah sualin, he hmeichhia hian a lo beihlet ve avangin a thiante hian an tanpui a, a hlawhtling niin a sawi.

Heng mite thawm hi midangin an hriat hnu-ah Bolero hmang hian an tlanbo leh a, Bawngkawn Police ten nimin zing khawvar hnu deuhah khan an man leh ta tho a ni. He thil thleng chungchang hi Police ten an chhui zui mek.

Thulakna: The Zozam Times

Back