MKTP KHAWMPUI TAN A NI

19/03/2010 00:43

Mizoram Thalai Kristian Pawl (MTKP) khawpui vawi 55-na chu nizan atang khan Joint YMA Field Vaivakawn-ah tan a ni a, thupui ‘Krista tana thuhriltu rinawm’ a ni a, a sawitu Dr.K.Thanzauva, Gen.Secretary, BCM a ni.

He Khawmpui hmang hian TKP hial 68-a unit 363 atanga member mipa 26,119, hmeichhia 12,839, an vaiin 38,958 atangin palai tam tawk beisei a ni a. Heng palaite hi a thlengtu Aizawl TKP Coordination Committee chuan veng hrang hrangah an sem darh dawn a ni. Hengten khawmpuina hmun an pan nan hian city bus 6 ruahman a ni.

He Khawmpuiah hian thu ngaihtuahtur 26 an nei a, chung zingah chuan Zonunmawi dinthar leh tura tan an lakna kalpui zel dan turte nakkuma TKP Diamond Jubilee lawm dan tur te a tel a. Zonunmawi tharthawh lehna beihpui an kalpui mekah hian nikum khan thalai 732 chuan zuk leh hmuam an bansan a, mi 2,396-in nupui pasal neih hmaa sex hmang lo turin an intiam a, mi 2,059 chuan corruption laka fihlim an tiam bawk.

MTKP hian kum 6 a zawnin mission rawngbawlna a lo kalpui tawh a, nikum khan Rs.10,75,329 a hmang.

Khawmpui hmuna pandal hi mi 7,500 leng tura sak a ni a, khawmpui senso atan hian Rs.17,30,000 ruahman a ni. MTKP Khawmpui hi ZONET chuan live-in a pe chhuak a, naktuk atangin LPS-in a pe chhuak ang.

Thulakna: Mizo Aw

Back