MJA Lunglei-in Member Pathum La Lut

- K. Lal Rinpuia

MJA Lunglei chuan Inrinni chawhnu Dar 1:00 khan Press Club-ah an member thar K.Lalmuankima Ralvengtu, K.Lalduhawma Hnamdamna leh J. Lalruatpuia JB Cable te chu an lalut. Lakluh inkhawmah hian MJA member 21 an kalkhawm a, President-in heng mi 3 te hi a lawmlut.

Lakluh inkhawm Lalrintluanga Khiangte Vice President-in a kaihruai a, Hunserh Pc.Lalduhthlanga Treasurer-in a hmang a, Member tharte K.Lalrin-puia President-in a lalut, Reports- K.Lalrochana General Secretary-in a pe a, K.Zothankhuma Virthli leh H.Lalthansanga Lunglei Times ten thu an sawi a, Member thar atangin an sawi vek bawk a, member dangin thu an sawi ve hlawm bawk.

GS report-a a lan danin tunah hian Lunglei Dist-ah MJA member 35 an awm a, heng zinga 29 te hi Lunglei khawpui chhunga awm an ni a, a bak zawng hi Hnahthiala awm an ni.

Member thar laluttu MJA President chuan MJA member tharte chu inthlahrung lo va MJA thiltih engkima tel turin a ngen tih a sawi a, chhiatni \hatniah pawh MJA thiltihna reng rengah tel thin turin a chah a, mahni chhungkuaa buai-na neuh neuhah pawh hruaitute hrilh hre thin turin a fuih.

K.Zothankhuma chuan, ‘Vawiinah member thar in lo ni ta a, MJA hruaitute chu kan hruaitu an lo ni ta tih in hriat a, in harsatna kawng hrang hrang an hnena sawi thin turin ka ngen che u a ni,’ a ti a, MJA chu pawl lian tak ni lo mahse mite tana thil tha titu an nih avanga pawl zahawma an hmuh zel theih nan theihtawp chhuah theuh turin a chah.

H.Lalthansanga chuan MLA Lungleite hi kan inpawh em em a, Hqrs. lam pawhin District zawng zawng zingah member leh hruaitu inpawh ber hmuhin min hmu a, a lawmawm hle a ni, thawhhona tha tur chuan inkawm ngeih a ngai a, member te leh hruaitute pawhin thil kan ti ho tam tur a ni, chu chuan thawh-hona tha a siam thin,’ a ti.

    Member thar atangin K.Lalmuankima`n thu a sawi hmasa ber a, ‘Vawiinah MJA member ka ni ve ta a, MJA atang hian ram leh hnam siam hna theihtawpa chhuah ka tum ang a,, MJA thiltihna reng rengah theihtawp chhuah zel ka tum ang,’ a ti.

Lalduhawma Khiangte chuan, ‘MJA huang-chhunga kan awm a ni emaw eng pawlah pawh awm ila Pathian hriatna nena ke kan pen chuan kan kawng hi Lalpa`n mal a sawm dawn a ni tih i hre reng ang u,’ a ti.

J.Lalruatpuia chuan, ‘MJA member ka lo nih ve tak avangin MJA tan theihtawp chhuah ka tum ang, MJA chu midangte tana malsawmna thlentu a ni tih ka hre thar e,’ a ti.