MIZO MIZONA HUMHALH

MIZO TAWNG - THUMAL PAHNIH 'LEH' HMANGA SAWI KAWP THINTE (Chhunzawmna IV)

22/05/2010 00:36

E

 

·        (25) Ei leh bar : Chaw hi kan eiin kan bar thin avang a, “ ‘ei leh bar’ tih a ni. ‘Ei leh bar’-ah tumah kan huphurh tur a ni lo,” te an ti thin.

 

·        (26) Ei leh in : Hei hian ei thil leh in thil chauh huamin lang mah se, ‘ei leh bar’ a huam tho. “He pa hian ‘ei leh in’ a thei a nia aw” tih a nih chuan ei chi reng reng leh in chi reng reng a heh tihna a ni. Ei leh bar chi reng reng a huam vek tho.

 

F

 

·        (27) Fin leh var : Mi fing chu an bengvar thin a, an bengvar bakah an khawhawi a zau-in an changkang a.Chutiang mi chu an ‘fing-var’ thin a. Chuvangin, ‘fin leh var’ tum hi mi pangngai thawmhnaw a ni.Mi burchut leh mi mawl kan nih loh nan ‘fin leh var’ theihna lam hawi kan chhiar a kan zir tam a pawimawh em em a ni.

 

·        (28) Fur leh thal : Mizo hian kum khat chhung hun hi hmun hnihah then phawkin ‘fur leh thal’ an ti a. Fur chu a lo thlen dawnin May thla chawhnu lamah ruahthimpui a lo hawng a.Chuta tang chuan fur a intan a.Chutah buhpui hmawr hminah furpui khartu airuah a lo sur leh a.Chumi inkar chhung zawng chu ‘fur’ a ni a.Thal chhung erawh chu October thla atanga May thla inkar chhung hi a ni ber.Mahse, thal hi chi thumin a hun sawi hran a ni a. Chung chu:

 

(i)                           ‘Favang thal’ a ni. Chu avang chuan hla-ah pawh ‘thal favang kawl eng’ tih te pawh a ni.

 

(ii)                        Favang hunin mual a liam a thlasik khaw vawh hun a lo thleng a.Thlasik lai hi thal hun khat chu a ni. A pathumna chu nipui lai ‘khaw-thal’ hi a ni. Heng thuma then hi ‘thal’ chuan a huam a.Tichuan ‘fur leh thal’ tiin sawi a ni.

Chhunzawm zel tur...>>>

Comments

No comments found.
 

Contact

Search site

 

 

 

 

                  NGAIHDAN

 

    

     Ngotekherh         Puanchei

   

        Puandum           Hmaram

 

 

 

           THU KAM HNIH KHAT


ShoutMix chat widget

 

 

                TLAWHTUTE


counter globe

 

 

  MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E
Create a website for free Webnode