MIZO TAWNG - THUMAL PAHNIH 'LEH' HMANGA SAWI KAWP THINTE (Chhunzawmna I)

B

·        (4) Belh leh paih : Thu leh hla-ah leh chhiarkawp lamah he tawng hi chelek tam a ni.

Entirna: (i) Ka thu phuah kha lo en nawn la , ‘belh leh paih’ tur pawh tam tak a awm ang.

                 (ii) Eng zat emaw atanga eng emaw belh leh, eng zat emaw atanga eng zat emaw peih tihna a ni . A nambar-in dah ta ila: (a) 2853 + 975 ; (aw) 6759 – 3082.

·        (5) Bung leh chang : Tun hnu-a lehkhabu kan neih ve hnu hian kan lehkhabu thenkhat chuan ‘bung’ (chapter) a neiin, ‘chang’ (verse) a nei hlawm a.Chumi sawi nan chuan ‘bung leh chang’ kan ti lar ta a. A hmain kan nei lo tihna erawh chu a ni lo. Entirna:

(i) In thu ‘bung leh a chang’ hriat engmah ka nei ve lo.

(ii) Heng mau ‘bung leh a chang’ zawng zawng phiat fai vek rawh.

·        (6) Buh leh bal : Mizo tawng hmangah miin, “Kumin chu ‘buh leh bal’-ah kan hausak ve kum tak a ni,” an tih avangin bal pawh an ngaih tihna a ni kher lo. Bu ei tlachhamin chaw-a an rin pui ber chu ‘bal’ a nih avangin sawi kawp a ni a.Mahse an thlai chin dang reng reng hei hian a huap vek.

Engtirna: “Kan ram kan ei da-in a bua ta em a, ‘buh leh bal’ a mi ta lo e,” an tihin thlai dang pawh a huap tel tho. Tin, a thumal inkarah ‘leh’ tih dah lo pawhin ‘buh bal’ pawh an ti ringawt tho.

·        (7) Buh leh sa : Heta ‘Buh’ tih hi ‘buhchang’ a ni a, ‘chaw’ sawi nan hman a ni bawk. ‘Buh leh sa-in min hrai’ an tih pawhin ‘chaw leh sa’ a ni.

Chhunzawm zel tur...>>>