Mizo Tawng - "Awm" leh "Thlak"

“Awm” leh “Thlak” Hmana Tlangpui

Awm

·        Awhawm

·        Awihawm

·        Beiseiawm

·        Chakawm

·        Chhuanawm

·        Duhawm

·        Fakawm

·        Ngaihawm

·        Ngeiawm

·        Nghahhlelh-awm

·        Hlauhawm

·        Hrehawm

·        Iaiawm

·        Khamawm

·        Lawmawm

·        Lainatawm

·        Muanawm

·        Nahawm

·        Nelawm

·        Ninawm

·        Rinawm

·        Rinhlelhawm

·        Sitawm

·        Tenawm

·        Thiamawm

·        Thlakhlelhawm

·        Thlamuanawm

·        Thlanawm

·        Tuiawm

·        Uiawm

·        Vuiawm

·        Zahawm

·        Ziaawm

·        Zuamawm

·        Zahpuiawm

Thlak

·        Atthlak

·        Buaithlak

·        Finthlak

·        Hahthlak

·        Hmanhmawhthlak

·        Hmingchhiatthlak

·        Hlimthlak

·        Hrilhhaithlak

·        Khawngaihthlak

·        Khawharthlak

·        Lungawithlak

·        Lungngaihthlak

·        Lunglenthlak

·        Manganthlak

·        Nuihzatthlak

·        Retheihthlak

·        Runthlak

·        Taimakthlak

·        Thinnatthlak

·        Thinurthlak

·        Thatchhiatthlak

·        Tlaithlak

·        Tlawmthlak

·        Tlawmngaihthlak

·        Thlamuanthlak

·        Tahbelhthlak

·        Vanduaithlak

·        Vanneihthlak

·        Zahthlak

·        Zawngchhangthlak

Thumal ‘awm’ tih leh ‘thlak’ tih awmna kan tarlan zawng hi kan tawng a awm zawng zawng a ni e kan tihna a ni lo. Heng bakah pawh hian thumal tam takah a la awm thei. Mahse ka’n tar lan chhan leh ka’n hman zui kherna chhan chu, a hman dan tlem azawng tal kan var phah takin tih thu-ah chauh a ni. ‘Awm’ leh ‘thlak’ kan tawngkam thenkhata a tel tak avanga a awmzia a khawih danglam dan pawh hi hriat a har hle a. Thenkhat hi chu ‘awm’ tih emaw, ‘thlak’ tih emaw awm kher lo pawhin a awmzia a danglam chuang kher lo. Mahse a kawh dan theih hret avangin tar ve hrim hrim pawimawhin ka hria. Entir nan: Thil eng emaw kan ten a, kan thil ten kha ‘tenawm’ a ni ta a. ‘Lungngai’ tihah pawh hian ‘thlak’ tih a tel chuan, chu thil lungngaihthlak chu a lo la thleng lo tihna a kawk bawk.

Tin, ‘thlak’ tih hi a awm chuan ‘awm’ tih hi telh tawh tur a ni lo. Tunlaiin pa fel tak takte pawhin ‘khawngaihthlakawm’ an ti chawk a. Chuti a nih chuan – Zahthlakawm; mananthlakawm te kan ti zel dawn em ni? He kan tawng mak danglam tak hi uluk tak elh chik taka kan hman loh chuan, Mizo tawng kalphung hloh khawpin kan tikhawlo thei dawn a ni. Mi thenkhatin kan hman ang ang hi a tha mai e, hman lar apiang hi tawng dik chu a ni mai, an ti a. Chu ngawt chu a ni thei lo, zir a ngai a, ven zui pawh a pawimawh. Thangthar tawng thiam lote hman dan ang ang kan pawmzam zui nghal zel chuan, tunlai mite hi min la mawhchhiat ang. Kan ngaizam chho zel dawn a nih chuan ‘tun kum; vawiin zan; ka tuiin a hal; ka muthilh a chhuak’ tihte hi i pawmzam zel ang u hmiang. Chutiang chuan kan pawm dam thei a nih chuan, ‘ka chaw ril a tam; ka dailen ek a chhuak’ pawh i ti zel ang u. Chuvangin, kan pawmzam tur chi chu a awm ang. Mahse tawng kalphung tichhe zawng chuan kan men i tizau suh ang u.

James Dokhuma @ Mizo Tawng Kalphung