MIZO MIZONA HUMHALH

Phekpui>MIZO HLAKUNGPUITE - HLAKUNGPUI LUAHTUTE

MIZO HLAKUNGPUITE - HLAKUNGPUI LUAHTUTE

18/03/2010 14:32

HLAKUNGPUI LUAHTUTE

THAWH KHAT NA

A hnuaia mi hi Hlakungpui luahtute, a phun dan indawta rem a ni. Chawimawina Lungphun a thawh khatna hi kum 1986 April ni 6&7-a an ruh nên seng luh — Patea leh Damhauhva chawimawina lung phun a ni.

Pangpâr chi hrang hrang uaî lova an vul reng a, Arsite an dêt chiaî a, eng chi dang dang lanna leh Rinna Hla phuahtu a ni a. danglam leh ril takin –

“ Ka lawmna tuifinriat angin a liam a,
Thih lui kamah zaiin I hming ka fak ang.”

ti thei a ni. Mizo Kristian Hlaphuahtu hmasa ber a ni a. Varparh arsi anga eng takin a lang zêl tawh ang.

Patea (1894—1950)

Patea hian hla 55 a phuah a, a hla thlûk leh a thute hi Mizo lungkuai leh Mizo ze rem tak niin chhuan lo la awm zêl turah pawh a hming hi a chuai tawh lovang. Fakna leh vanram lam ngaihna hla a phuah chhuak a ni.

Nun hlui mual liam tawhte lung lêng taka thlirin, hla mawi takin a phuah chhuak a. He hring nun hi thlahlel taka a chawisân thin avangin hriatreng a hlawh dawn a ni.

“Hnutiang hmatiang ka dawn changin,
Dâr tui ang ka luang ral tur hi;
Lung a awî lo ve.”

tih ziah a ni.

Damhauhva (1909—1972)

Damhauhva hian hla 51 phuahin khuarêl pangpar mawina leh hring-fate lunglênna hla thu mawi taka dah chhuak thiam, a thu phawk chhuak tura a thlûk mawi tak siam thin a ni.

THAWH HNIH NA

A hnuaia mi hi Hlakungpui luahtute, a phun dan indawta rem a ni. Chawimawina lungphun thawh hnihna hi kum 1996-a seng luhte an ni a. Patea leh Damhauhva chawimawina lungrem atanga a indawt dan anga rem thlâk a ni.

THU ZIAKMI TE

Kâphleia (1910-1940)

Mizo Novel hmasa Hawilopari, thawnthu tawi hmasa Pari, thawnthu tawi hmasa ah lama hma hruaitu zinga mi,kan hriat reng tur a ni.

L.Biakliana (1918-1940)

Mizo Essay hmasa ‘Thlirtu’, Mizo Novel hmasa ‘Chhingpuii’ ziaktu, hla phuah thiam Zofate thinlungah a nung reng ang.

Lalzuithanga (1916-1950)

Mizo Novel hmasa Thlahrang leh Phira leh Ngurthanpari phuahtu Lemziak thiam, Drama ziak leh Chan thiam a ni.

C.Thuamluia (1922-1959)

Mizo thawnthu tawi leh Essay Ziak thiam, Mizo thawnthu Sialton Official ziaktu, Mizo tawng mawi leh ngaihno bei taka hmang thiam a ni.

Rev. Liangkhaia (1985-1979)

Mizo History ziak hmasa, Kohhran mamawh lehkhabu tam fe Ziaktu, Hriatna lama Zofate tibengvartu a ni.

J.F.Laldailova (1925-1979)

Lehkhabu lehlin hmanga Zofate Châwmtu, Mizo tawng dik ngaina, chanchinbu enkawltu tha, Dictionary rotling siamtu a ni.

Capt.C.Khuma (1934-1994)

Maymyo Sanapui thawnthu leh a dangte Zoram pâwn atanga thahnemngai taka phuah thin kan theihnghilh phal loh tur a ni.

Siamkima (1938-1992)

Ram fan bu leh fakselna lama Zofate mit tikutu leh sulsutu pawimawh tak a ni a. Kan thinlungah a nung reng ang.

K.Zawla (1903-1994)

Thangtharte’n Mizo nun hlui an theihnghilh mai loh nan hlân chhawngtu tangkai tak an ni.

K.C.Lalvunga (1929-1994)

Novel leh Essay ziak thiam, Zofate Hmasawnna tur leh thu leh hlaa Tiharhtu Arsi êng tak a ni.

HLA PHUAH THIAM

Laithangpuia (1885 –1937)

Mitdel ni chunga mit vârte aia Pathian hmu fiah, Mizo hla phuahtu dangte ang lo taka nun hlui ziaa Kristian hla tha tak tak phuahtu a ni.

Lalzova (1924 –1945)

Nula leh tlangval inkar inhmangaih tawnna leng vel hlaa runthlak taka phuah thiam, an thinlung ril ber an leih buakna hlate phuahtu a ni.

Saihnûna (1896 –1949)

Mizo Lengkhawm hla phuahtu hmingthang, a mihring puite rumna chanpui a, tahnate hlaa phuah thiam a a ni.

Lalawithangpa (1885 –1949)

Mizo nun hlui hla phuah kawnga hnu khartu, hla thute mawi leh pawimawh, no taka hmang thiam chungchuang, nung reng tur a ni.

R.L.Kâmlala (1902 –1965)

Mizo Kristian hla phuahtu ropui, hreawmna leh lungngaihna ram atanga beiseina ênga vanram min thlîrtirtu a ni.

Rokunga (1914 –1969)

Kaihlek leh Lengzem hlate Kristianna nên a insut laia thalaite thawpikna hlaa thawi dam a, Mizoram nun leh thilte ngaihsan kawnga hlaa kai harhtu, Zoram hi Chhawrpial rûna chantirtu a ni.

Vankhama (1906–1970)

Zoram mawinate, len lai hun Hlutzia leh nungchate hlaa tah Lutin mawi takin a phuah a, Zoram pangpar mawizia thlenga puangtu, hla phuahtu hmingthang a ni. Amah avang hian Zoram chuan Rimawi Ram a lo pu ta a ni.

Suakliana (1885 –1937)

Mitdel a nih avanga thim nen inbuan reng, a hlaah pawh ngainat hlawh taka puang chhuak thiam leh Zoram buai avanga khaw khawm thu mi pui rilru khawih tak hlaa au chhuahpuitu a ni.

Liandala (1901 –1980)

Hla chul thei lo Pi Pu chhuahtlâng hlui hmanga hmanlai Mizo nun pho iâr a, ‘kan tlâng ram par vulna’ tih hla hmanga Zoram chu ‘Pangpâr huan’ anga puangtu a ni.

C.Z.Huala (1903 –1994)

Vanram ngaihna thu ken laipuia neiin Mizo Kristian hla phuahtu lar tak a ni a,a hla tel lo hian Zofate hi an tlei lo tih theih hiala ni.

THAWH THUM NA

A hnuaia mi hi Hlakungpui luahtute, a phun dan indawta rem a ni. Chawimawina lungphun thawh thumna hi kum 2006-a seng luhte an ni.

THU ZIAKMI TE

HLA PHUAH THIAM

Rev.Saiaithanga (1887-1980)

Mizote mamawh lehkhabu thahnem tak leh Kohhran châwmna atana tlingte ziaktu a ni a, Zofate’n an hre kumkhua dawn a ni.

A.Sawihlira (1931-2000)

Science leh Mathematics-a Mizote kaih harhna tling lehkhabu thahnem tak ziaktu, tunlai thiamna lama rual pâwl pha tura Zofate hlângkaitu a ni.

Zasiama (1900 –1953)

Zofate rilrem zâwng taka hla phuah thiam, lungngaihna ata lâwmna, hlauhna ata muanna, thim ata ênga luhna thute phuahtu a ni.

Vanmawia (1922 –1980)

Hlapui mawi taka phuahtu a ni a.Vânram chu thlen châkawm êm êm a puangin:

Ram êng mawi tak chu a awm,

Tlansâte lênna ram nuam.

ti meuh va hla chul thei lo phuahtu a ni.

Râlngama (1907–1981)

Lusûnna leh hring nun khawvel atanga vanram ngaih hla tha tak phuah thiam, Krismas hla chul thei lo phuahtu a ni a. Zofate theihnghilh phal loh tur a ni.

Siamliana (1894 –1962)

Vanram chu puan vâr sin mipui tam tak, tuma chhiar sên lohte lênna a nihzia te, Pathian chu Alpha leh Omega a nih dân te hlaa puang chhuaktu, hriatreng hlawh tur a ni.