MIZO CHERAW KAN HI!!!

-Lalremruata , USA

A tak tak tak pawh a la thleng hmain Mizote groupmail hrang hrangah inhnialna a chhuak nasa lek lek thin a.MIZOTEN CHERAW KAN kan neih hi hnamdang hnen atanga kan zir/entawn chawp a ni thei ang em? a ni lo maw? tih hi sawi a tam ta! He ngaihtuahna hi Mizo-a chiang tan chuan buaina tur a awm lo va. Mizoten kan kan thin CHERAW hi Mizo tual chhuak a ni.Mizo va vawt lek lek lum lek lek hoten min thikna tawngkam a  ni tih hi hriat atha a. Chutiang chiah chuan khawvela a ber kan kai hun chuan endiktute atang pawhin he'ng kan sawi tak zawhna MIZO CHERAW KAN hi hnamdang hnen atanga in zir/entawn a ni em? a ni lo maw? Mau hmanga lam thin nangni (Mizo) aia hnam upa an awm si a?tih zawhna te hi a awm lo vang tih sawi theih a ni lo.

Chumi atan chuan a ni ka han sawi ve duh chu.Kan ziakmite leh he hmalakna kawnga kan puipa te leh Mizote hian kan chian a tul hle ang. Eng ah maw kan chian a tul? "MIZO CHERAW KAN hi mizo tual chhuak ngei a ni a, tu hnamdang tihdan mah an zir/entawn lo. Kan pi pu te khan an lo ching chhuak ve hrim hrim a ni" tihah hian kan chiang tawp  tur a ni ringawt.

Kan chian theih dan tur chu - hnamdang ho lam dan hi han en ila kan Mizo Cheraw kan dan nen chuan inpersan tak ,inhnaih lo tak a ni. Mau hmangin an lam ve tih choh a ni a,Mizo CHERAW KAN dan leh mau khawn dan te nen thleng hian inang lo tak a ni. Mizo lam ang reng renga lam hi hnam dang ah an awm lo.Mizo te chu hmeichhia an lam a mipain mau an khawng thin a.Mipa an lam ve auh auh ngai lo. Chuvang chuan Mizote hian hnamdang tih dan hi kan zir/entawn lo tawp ang tih hi chiang turin ka han sawi ve duh a.Tin, kan ziakmi leh hruaitu lu deuhte chuan sawi mai leh benga hriat mai ni lovin internet hmangin hnam dang lam dan leh Mizote kan lam dan inanloh zia hi en pawh a tha ngawt ang. Tumahin Mizote hi hnam dang tihdan zir/entawn chawpah min chhuah tur a ni lo.

Ziak mi leh ziak mi,hruaitu lu theuh theuh thu inhmu lova kan pi pute khan hnam dang tih dan an lo zir/entawn te pawh a ni mahna ti tawk kan awm chuan a fuh lo vang. Kha thu kha ziak a nih chuan thiah theih a ni tawh dawn lo. A pawi hle ang. Chutianga kan lo ziak lang/sawi palh a nih ngai chuan tu emaw hnam thenkhat atangin fing ver vek takin 'AN PI PUTE KHAN KAN PI PUTE' tihdan AN ZIR/ENTAWN chawp a ni tia phuahchawp siamin an rawn auchhuahpui lo vang tih hi sawi lawk har tak a ni. Hawhte u, mizo ah hian chiang tlang ila kan thu inhmu se, kan hming lanna turah hian hmelhma an lo lang lovang tih sawi lawk mai har a ni a. Chutianga min itsiktuten min tihbuai / tih hmingchhiat an tum pawhin kan tang rual  tlat tur ani.

MIZO CHERAW KAN hi tu hnam dang hnen atang maha kan pi pute khan an zir/entawn a ni lo. MIZO TUAL CHHUAK NGEI A NI tih hi kan tan tawpna nise.Mizo CHERAW KAN hmanga kan hming lanna turah hian Mizo hming hi lar hlur sela,
tu hnam dang hming mah rawn in zep/rawlh suh se.Kan Mizo Cheraw kan anga mawi leh nalh hi khawvel a awm lo bawk asin!!!