MIZO MIZONA HUMHALH

Mirethei in sak tan dawn hnai

13/04/2010 16:18

Urban Development and Poverty Alleviation (UD&PA) department chuan Rangvamual leh Durtlang bakah, Lunglei, Champhai, Kolasib, Saiha, Serchhip leh Mamit-ahte mi retheite chenna in tur eng emaw zat sak hna a tan dawn hnai nia thu dawn a ni.

UD&PA Department hotute sawi danin, Rangvamualah hian cheng nuai 3,075 séngin mirethei chhungkaw 368-te in tur sak a ni dawn a, sum pawh sorkar laipuiin cheng nuai 690 a pe tawh. Durtlangah pawh chhungkaw 320 in sak nan cheng nuai 2,623 atangin sorkar laipui chuan nuai 589 a pe tawh bawk.

Lunglei khawpuiah chuan chhungkaw 500-te in saksak an ni dawn a; Champhaiah chhungkaw 450, Kolasib-ah chhungkaw 300, Saiha-ah chhungkaw 200, Serchhipah chhungkaw 300 leh, Mamit-ah chhungkaw 150 chenna tur in pawh sak a ni bawk ang.

Ministry of Urban Development-in district khawpui danga in 1,900 sakna atana sum mamawh a ruahman chu Rs. 39,26,84,000 a ni a; heta tang hian sorkar laipui chuan Rs. 14,89,18,000 a rawn pe tawh a, Mizoram sorkar pawhin a tum ve tur 10%, Rs. 3,5608,000 pawh a pe chhuak tawh a ni.

Rangvamual leh Durtlanga miretheite in sak dan tur ruahmanna siam hi phai ram mila siam a nih avangin, Mizoram leilung nen a inhmeh lo a, Mizoram leilung mila sak a nih theih nan sorkar laipuia mithiamte'n tun kar chhung hian an enfiah dawn a ni.

Aizawl tih loh, Integreted Housing and Slum Development Project (IHSDP) hnuaia district khawpui dang paruka miretheite in sak turah hian, eng emaw chen chu in luahtu turte hna thawhtir tum a ni.

Miretheite in sakna tur scheme hi July 14, 2009 khan sanction a ni a, thla 15 chhunga thawh zawh tura ruahman a ni. Hetih lai hian, Planning department leh Finance department lamin an duhtui deuh avang leh file kal chhung a rei avangin hna hi tan theih a ni lawk lo niin thu kan dawng.

Thulakna: Vanglaini

Comments

No comments found.
 

Contact

Search site

 

 

 

 

                  NGAIHDAN

 

    

     Ngotekherh         Puanchei

   

        Puandum           Hmaram

 

 

 

           THU KAM HNIH KHAT


ShoutMix chat widget

 

 

                TLAWHTUTE


counter globe

 

 

  MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E
Create a website for free Webnode