MANGALORE , INDIA-AH THLAWHNA CHESUAL , MI 160 AIA TLEM LO THI

22/05/2010 14:07

Ni 22.5.10 , Inrinni zing – Dubai atanga India chhim lam Mangalore-ah Thlawhtheihna (Flight IX-892, operated by a Boeing 737-800), thlawhna kerawn a tumnaah a chesual a, mi 160 aia tlem lo an thi nia rin a ni(Mitthi zat hi hriat chian a la ni lo).He thlawhna-ah hian passenger 163 , hnathawktu 6 leh naupang / nausen 4 te an chuang(Thlawhna-a chuang zat hi sawi dan a inang hlawm lo!)?. He thlawhna chesualah hian mi tlem te chauh nungdamin an chhuak nia hriat a ni a, damdawi ina lute dinhmun erawh hriat chian a la ni lo.

He thlawhna chetsualna-ah hian thlawhna khalhtu leh hnathawktute hnen atangin khawl lam chianlohna hriattirna engmah dawn a awm lo a, tlawhna kerawna a tum hnu – a tlan laiin meialh a chhuak ringawt nia hriat a ni. Nungdama chhuak pakhat sawi danin, he thlawhna hi a lai atang a bung hmawk a ni. Thlawhna chetsual chhan hi chhui chian mek a ni.