Lunglei district-ah mihring 1,63,501 awm

02/07/2010 15:04

Lunglei district-ah chuan kum 2001 census-ah mihring 1,37,223 an awm laiin, kum 2009 record-ah chuan 1,63,501 an awm tawh.

District Research Officer Office, Economics & Statistics, Lunglei buatsaih 2009 - 2010 Lunglei District ‘At A Glance’ a tarlan dan chuan kum 2009 record-ah hian mipa 83,794 leh hmeichhia 79,707 an awm. 2001 census-ah hmeichhia an tam zawk a, 2009 record thar berah mipa an tam zawk thung.

Lunglei district-ah hian khua 186 awm mekin RD Block 4 a awm a, Sq.Km khat zelah mihring 30 zel awmin, ziak leh chhiar thiam tehna (Literacy Rate) chu 84.20% a ni.

Lunglei disrict-ah hian sorkar primary school 201 leh private 152 awmin, sorkar middle school 112, deficit 1, aided 40 leh private 67 nen a vaiin middle school 220 a awm mek a. Sorkar enkawl high school 34, deficit 1, aided 4 leh private 22 nen a vaiin high school 89 a awm mek. Sorkar enkawl higher secondary school 3, deficit 1, aided 4 leh private 6 nen a vaiin higher secondary school 14 leh sorkar enkawl college 3 a awm mek bawk.

Thulakna: The Zozam Times

Back