Literacy-ah India ramah pakhatna nih tum

14/05/2010 17:24

Mizoram Adult Education Officers' Association (MAEOA) chuan, kum 2011 chhiarpuiah Mizoram chu India ram state zinga ziak leh chhiar thiam tam lamah pakhatna a nih ngei theih nan Education department hnuaia Adult Education Wing-in theihtawp chhuahin hma an lak mek tih an tarlang.

MAEOA hian thuchhuah siamin, ziak leh chhiar thiam tam lam (literacy rate) chu chhiarpuiah tehfung pawimawh leh hmasawnna bulthut bûkna a nih avangin, sorkar lam atanga thawktute bakah, sikul zirtirtu te, tlawmngai pawlte leh kohhrante'n nasa takin tan an la tih an sawi a; heng hmalaknate avang hian Mizoramin hma a sawn nasat thu an sawi rualin, pakhatna ni turin nasa taka tan a ngaih thu an sawi.

MAEOA chuan, kumin May thla chhung hian Aizawl, Lunglei, Champhai leh Mamiot district-a khaw 20-ah Literacy Drive/Campaign leh Social Service Camp an neih mek thu an sawi a; Mizote ziak leh chhiar thiamtir vek tura an hmalakna chu lo tawiawm turin Mizo mipuite an ngen a ni.

Thulakna: Vanglaini

Back