MIZO MIZONA HUMHALH

Phekpui>LIRNGHING-IN CHINA A SAWI , MI 400 CHUANG THI - MI 10,000 VELIN HLIAM TUAR

LIRNGHING-IN CHINA A SAWI , MI 400 CHUANG THI - MI 10,000 VELIN HLIAM TUAR

15/04/2010 01:58

Ni 14 April 2010 , zing lam dar 7:49 (23:49 GMT on Tuesday) khan China ram thlang lam Tibetan bial bul- Qinghai bial chu Lirnghing-in a sawi a, mi 400 chuangin an nunna an chan a, mi 100,00 velin hliam an tuar a, lirnghing-in a sawichhiat in leh ilo chhia/chim hnuaiah mi sang tam tak an tang bawk a ni.

China Lirnghing Tehtu Pawl (China Earthquake Administration) chuan he lirnghing nat-zawng hi 7.1 Richter scale a ni e, a ti a. America Leilung Thlithlaitu Pawl (US Geological Survey - USGS) erawh chuan 6.9 niin a sawi thung.

He lirnghing hian Qinghai bial – Tibetan tam tak chenna Yushu ram a sawi ber a, a sawina bul hnai vela in 85% a ti-chhia a ni.A sawi hun tak hi zing dar 8 Skul luh tan hun vel a nih avang hian Skul naupang tam takin hliam an tuar a,tam tak an tang bawk a ni.

Tunah hian Chhanchhuaktu Pawl chuan theihtawp chhuahin chhanchhuah hna an bei mek a ni.

Kan hriat theuh angin China hian ni 12 May 2008 khan Sichuan bialah 8.0 Richter scale-a nain lirnghing nasa tak a lo tuar tawh a.Mi 68,000 laiin nunna an chan a nih kha! Khami tuma China-in lirnghing chhiatna a hmachhawn dan kha, US in ni 25 September 2005 , Texas leh Louisiana-a Rita thlipui nuaichhiat a hmachhawn dan aiin fak a hlawh mah zawk a nih kha! Tun tumah hian China sorkar hian engtiang chiahin nge hma a lak dawn ? tih hi mi tam tak chuan an thlir thup a ni.

Thulakna: Al Jazeera , VOA , The New York Times

Back