Lawngtlai-Myanmar kawng atan vbc. 680

03/04/2010 15:12

Chief Minister Lal Thanhawla chuan, Multi Modal Transport Project hnuaia Lawngtlai atanga Myanmar ramri thlenga kawngpui laihna turin cheng vaibelchhe 680 ruahman a ni tih House a hrilh.

ZNP member, Lalduhoma zawhna chhangin, Chief Minister chuan, Lawngtlai atanga Myanmar ramri thleng kawngpui laihna tur sum hi sorkar laipuiin a sanction tawh a, mahse hna thawh tan a la ni lo tih a sawi a, "Tender chhuah tura inbuatsaih mek a ni a, hna hi kum li chhunga thawh zawh tur a ni," a ti.

Zawh belhna chhangin Lal Thanhawla chuan, kawngpui laih hian Lawngtlai-IV thlanmual a sut tlang dawn thu te, compensation dawng tur dik takte pek an nih tur thu leh, compensation dik loa lak tumte chu hrem an nih tur thu House a hrilh bawk.

CM Hawla sawi danin, sorkar laipuiin sum a ruahman dan hi SRDP North East Phase 'A' leh SARDP North Arunachal Package-a then a ni a, a pumpui atan hian cheng vbc. 1,200 ruahman a ni.

Thulakna: Vanglaini

Back