American zaithiam leh hla phuah thiam hmingthang Lady Gaga-i chu khawvel social network lar tak Twitter(https://twitter.com/)-a zuitu maktaduai 10 chuang nei hmasa ber niin, Twitter-a zuitu nei ngah ber a ni. He thu kan buatsaih mek lai (May ni 16,2011 - Mizoram 12:45 pm, Kuala Lumpur 3:15 pm, Tahan 11:15 am) hian Lady Gaga-i hian Twitter zuitu 10,042,093 a nei a ni.
Zotui Thiang-in he thu a buatsaih mek lai (May ni 16,2011 - Mizoram 12:45 pm, Kuala Lumpur 3:15 pm, Tahan 11:15 am) hian khawvel social network lar ber, khawvel mihring maktaduai 500 chuangin an hman Facebook(https://www.facebook.com/)-ah Lady Gaga-i hian duhtu(fans) 34,045,115 a nei a, khawvela Facebook fans nei ngah ber palina a a ni. Khawvela Facebook fans nei ngah ber chu game Texas Hold'em Poker a ni a, fans 42,667,208 a nei a ni. Facebook chuan fans 40,379,007 neiin pahnihna a ni a, fans 35,916,433 neitu zaithiam Eminem-a chu pathumna a ni. Hetih lai hian US President Obama-a chuan Facebook fans 20,414,218 chauh a nei thung!