KTP Pandal thiah laiin a tlu, 4 hliam

15/03/2010 00:33

THE ZOZAM TIMES : Mamit-a KTP General Conference neihna pandal thiah mekah zirtawpni khan structure sang lai ber an thiah laiin a tlu a, mi 4-in hliam an tuar. Pandal tlung thiah lai hian thli a thaw nasa hle a, thli vanga tlu-ah an ngai.

Hliam zinga pakhat Lalhmachhuana s/o Thangchungnunga, kum 20 mi vel, Mamit High School veng chuan a lu-ah hliam tuarin thi a chhuak nasa hle a, Mamit damdawi Inah admit nghal a niin ngaihtuahawm lutuk erawh a ni lo. Hliam dang mi pathumte chu - Roliana, Lalnunfela leh Daniela, Mamit High School Vengte an ni a, an hliam na lutuk lo. Mamit damdawi In-ah first aid pek an nih hnu-ah hawtir leh an ni.

Pandal hi Synod ta niin, a sak leh thiah hna hi Chhangte Steel Fabrications, Chanmari West ten an thawk a. March ni 8 khan hlawhfa rawih belhin an thiat tan a, nimin khan Pandal Structure pumpui chu an thiat zo a. Vawiin hian hnatlangpui neiin bawlhhlawh thenfai leh tul dang awm apiang an thawk ang

Mamit-a KTP khawmpui lian neih zawh tak kha KTP General Conference neiha palai an kal tam ber tum nia sawi na ni a. Palai sing chuang zet thleng mahse, ei leh in lam an lo inbuatsaih dan nena teh chuan a hek lo hle a, mak kan tih thu kan inhrilh hlawm a ni tiin Upa H. Darhmingliana, Information & Publicity-a Chairman chuan kan palai a hrilh.

Back