KHAWVELAH MIHRING 100...

He kan chenna khawvel, ni leh a heltu planet 8 te zinga nunna awm theihna awmchhun, 5,972,000,000,000,000,000,000 metric tons zeta rit leh 510,066,000 sq km zeta zauvah hian tun dinhmunah mihring tluklehdingawn 6.7 zet kan cheng mek a, heng mihring tam tham tak te dinhmun chhutchhuah hi thil awlsam a ni hauh lo mai. Chuvang chuan khawvel mithiamte chuan he khawvel a mihring tam tak te dinhmun hi a number tlem zawng leh awlsam zawnga hriat anih theih nan a chhutdan awlsam zawngin an han chalai kual vel a, khawvel a mihring tluklehdingawn 6.7 te chu mi 100 chauh angah an han chan ta a, chumi hmang chuan khawvel dinhmun awlsam taka tarlangin hetiang hian an rawn chhut chhuak ta a. Khawvel pumah mihring 100 chauh cheng anga inchhut ta ila chu hetiang hi kan dinhmun tur a ni anti!

• He khawvelah mihring 100 chauh awm ta ila chu mi 50 chu hmeichhia an ni ang a, mi 50 dang chu mipa an ni ang.

• Naupang 20 an awm ang a, puilting 80 an awm ang. Puitling zinga 14 te chu kum 65 chunglam an ni ang.

• Khawvela khawmualpui hrang hranga mihring chengteah hian 61 te chu Asia mite an ni ang a, mi 12 te chu European, mi 13 chu African niin a dang mi 14 te chu khawthlang lam mi an ni ang.

• Sakhaw hrang hrangah hian Kristian mi 31 an awm ang a, Muslim mi 21, Hindu mi 14 leh Buddhist mi 6 an awm ang. Sakhaw dang zuitu mi 12 an awm ang a, sakhaw bulbal neilo mi 16 an awm ang.

• Tawng hrang hrangah hian mi 17 in Chinese tawng an hmang ang a, mi 8 in Hindi, mi 8 in English, mi 7 in Spanish, mi 4 in Arabic, mi 4 in Russia leh adang mi 52 in tawng dang an hmang thung ang.

• Mi 82 in ziak leh chhiar an thiam ang a, ziak leh chhiar thiamlo mi 18 an awm bawk ang.

• Mi 47 te chu khawpuiah an cheng ang a, thingtlanga cheng mi 53 an awm ang.

• Mi 83 in tui thianghlim in tur an nei ang a, mi 17 in tuithianghlim lo an hmang thin ang.

• Mi 75 chaw khamkhawp eitur leh riahna tur hmun an nei ang a, midang 25 ten an nei lovang.

• Mi 1 in HIV/AIDS a vei ang a. Midang 1 in TB natna a vei bawk ang.

• Mi 53 te chu mi rethei, nikhatah US $ 2 pawh nei zo lo an ni ang.

• Mi 76 in Electric eng chhit tur an nei ang a, mi 24 in an nei lovang.

• Mi 34 in Mobile Phone an nei ang a, mi 17 in internet regular takin an hmang ang. Mi 1 in computer a nei bawk ang.

• Riltam avangin mi 1 a thi ang a, mi 17 te chu khamkhawp eitur hmulo an ni ang a, mi 15 te chu thau lutuk an ni bawk ang.

Thulakna : Serchhip Times Daily