Khawvel Mihring Tluklehdingawn Chuang Awmna China Ram Chhiarpui Tan

02/11/2010 02:32

Ni 1 November 2010 khan kum 10 chhunga a hmasa ber atan khawvel mihring tamna ber China chuan a ram mipui chhiarpui chu a tan ta.

China chhiarpui hnunhnung ber 2000 khan China ram mipui zat chu tlunglehdingawn 1.29 (1.29 billion ) a ni a, tunah hian China mipui hi eng zat tak ni tawh ang maw? tiin mi tam tak chuan tun tum chhiarpui hi an thlir thup a ni. China sorkar chuan he chhiarpui hna hautak thawk tur hian mi maktaduai 6 chuang zet a hmang ( hlawhfa a la )!!! He chhiarpui result hi April 2011-ah puan a ni ang.

China ram hian birth control system - fa pakhat chauh neih phal dan ( one-child policy ) avangin nupa tuak tam zawkte chuan, fanu aiah fapa an thlang zawk zel a.Hetiang a nih zel chuan kum 2020-ah chuan tlangval mi nuai sawmhnih pali vel chuan nupui tur an tawng lo mai dawn niin mithiam thenkhat chuan an chhut. He birth control (one-child policy ) avanga harsatna lo thleng turah hian thenawm ramah nula rukbo leh inlei te, a ruka inhralhte a awm thei dawn a ni tiin an hlauthawng hle. Hetih lai hian China sorkar chuan he fa pakhat chauh neih phal dan hi a la tha tawk a, hman chhunzawm zel a nih tur thu tun hnai khan a puang.

Thulakna: China Daily, Al Jazeera, BBC

Back