KHAWVEL-AH SAKEI ENGZAT NGE AWM? MIZORAM-AH TEH?

Tiger census neih thar a la ni lova, neih tumin Forest department lama Wildlife changtute chuan hma an la mek. Census neih hnuhnung ber chu 2006 kha a ni mai a, Mizoramah sakei 6 a\anga 10 vel chauh an awm tawh niin an chhut. Tunah hian engzat chiah nge la awm ang tih hriatthiam a har tawh hle a, state dangah pawh an tlem zel laiin Mizoramah pawh an kiam ve a nih chuan 3-4 vel bak an awm tawh lo hial mai thei a ni. India ram pumah pawh 1411 chauh an awm tawh niin an sawi a, tlem lam an pan zel niin a lang.

Dampa Tiger Reserve kan nei a, he hmun hi Aizawl a\anga Km 127 vela hla, Bangladesh ramri dep a awm , 550 km bial vela zau a ni. Wildlife lamin censu te an buaipui chho dawn a, nikum kum tawp lam khan census nei turten Kaziranga park-ah training an nei tawh nghe nghe a, mahse sum leh pai sanction a la awm fel theih loh avangin Forest department lam chuan hma an la la thei lo niin an sawi.

Dampa tiger reserve-ah hian sakei 5 vel tal chu aw m tura ngaih a ni a, hetihlai hian forest hnathawkte chuan Camera trap te pawh dah a ni na a, sakei (Bengal Tiger) thla hi an la la fuh thei lo. La fuh thei se chu sum tam tak lo kal belh tur a awm thei ngei ang.

Mizoramah nungchaten hmun an nei chau ta em em a. Sap ho hunlai khan, Sakei/savawm kah lawmman te an lo siam sak \hin a. Min chhuahsan hnu meuh chuan nungcha han sawi tham kan nei meuh tawh lo. Forest department ringawt hi chuan an veng him zo dawn lova, mimal leh khawtlang pawl kan tanrual a \ul ta hle a ni.

Dampa tiger reserve huamchhungah hian ramsa chi hrang hrang an tam ve hle a, zai te pawh Bangladesh a\anga rawn tla chho hmuh tur an awm fo niin an sawi bawk. Tiger(Keipui), Leopard(Keite), Gaur(Sele), Serow (Saza), Barking deer(Sakhi), Wild boar(Sanghal), Porcupine(Sakuh)), Sloth bear (Mangtir), Himalayan black bear(Savawm) bakah Leaf monkey(Dawr), Pigtail macaque (Chengker Zawng), Stumptail macaque (Zawngmawt), Hoolock gibbon(Hauhuk), Assamese macaque(Phaizawng), Slow lorris(Sahuai), Giant squirrel(Awrrang) te pawh awm tura ngaih an ni a, sava lam pawh Indian hornbill(Vapual), Malbar pied hornbill(Vahai), Peacock pheasant(Varihaw), Red jungle fowl(Ramar), Crested serpent eagle (Muvanlai), Emerald dove(Ramparva, Hill myna(Vaiva) te an awm bawk. Dampa Tiger Reserve (wildlife sanctuary) tia sawrkarin a puan chu 1985 kha a ni chauh a, 1944 daih tawhah sakei humhalh tur hi chu India sawrkarin a puang tawh thung a ni.