KA NU KA NGAI MANG E

“I tangnem hlim hnuaia awm lo i fa hi maw , Nu

Thlaler tuivalawng ang chawlhna run ka lo vai e...”

Ka pian leh murna vangkhua hreh tak chunga chhuahsan a,tuipui ral ram kai zai ka relna pawh kum a lo vei ve ta reng mai !!!

Puitlin nunchan zira ka khualzinnaah hian ka chauh em em chang te, ka khawhar ruk riau chang te,nun hreawm ka tih chang te, ka hlim em em changte hian ka NU ka ngaih a zual thin...

Tu'n min sel lo se , khawvel mihringa ka ngaihsan ber chu - mi ang sa ang ka nih ve theih nana a nun zawng zawng a fate tan hlan zotu ka NU hi a ni. Ka nu chuan mite hriatpui khawp tur lehkhabu ziak a nei lo a,mi ropui leh mi hmingthangte tih ang tih  nei lovin,khawvel hriatpui khawp thil tih a nei lo a ni mai thei.Mahse , chutiang ti theiho zawng zawng ai chuan kei ka tan ka NU hi a hlu thlawt e...

Naupang enkawl dan te, zirtir dan te, naupang rilru hneh dan lehkhabu hi ka chhiar nual tawh thin a, Training pawh ka kal zing ve ta. Mahse, he'nga ka zirchhuah dan leh dun zawng zawng ai hian ka Nu dante kha a lo tha zawk tho tho. Mithiamte ziak leh sawi zawng zawng ai hian ka nu tih dan kha a lo tha thlawt e...

Ka nu’n bang lova min tawngtai sak thinna zawng zawngte hian ka dam chhungin min tuam reng ang a, ka nu;n mal min sawmna zawng zawngte hian min zui zel bawk tawh dawn a lo ni. Ka nu ang nu ka lo nei hi vannei tawpkhawk ka inti bang ngai lo ang.Theih chang se ka nu kiangah ngaihngam taka kum tluana awm hle hle ka thlang ber.Kei teh tak hian duh hle mah ila, hunin rem a tih loh hun a lo thleng ta si ale! Mahse , ka nu fa – kei hi ka lungngai hauh lo – ka nu fa ka ni tlat.

“Mihring pakhat ni ve tura i mi enkawl seilenna leh

Bang lova i tawngtaina te hian min tuam reng si a...”

*2009 Mother’s Day dawn khan Mai (Nl.) Di Tha Sin – Indianapolis, USA in phuah tura min tih angin he hla hi ka phuah a, Mother’s Day 2009 – 10.5.09 khan River of Life Sanctuary , Segambut , Kuala Lumpur – Myanmarese Worship Service-ah amah Di Tha Sin-i’n thiam tak main a sa.

Lai tawng ka ziak dan / hman danah hian dillo/felhlel deuh a awm palh a nih pawhin min hrethiam turin ka ngen nghal a cheu.Ka nu hi lai hnam (Falam) a ni a, ka hla hi “ KAANG CAT DAH LO NUI DUHDAWTNAK ”  tih a ni. A thluk hi Sap hla “ Always A Child ” hla thluk hman a ni.

KAANG CAT DAH LO NUI DUHDAWTNAK

·        Maw ka nui duhdawtnak ka vun ruah hin

Fahniang ruang harnak phunza tuar le

A nun hmuah liam a rak hlannak tinkim

Dawn lungruk lairil a fan na e

·        Cho: Man loih Bawipai in pek mi rohlu

Lei thil ziang hmanih tahthim rual lo

Kaang cat dah lo maw....Nui duhdawtnak hi

Sunlawih sin sin lo thei kan si lo

·        Bang loih ka hrang thla i camsaktu

Lung ka ngamnak runinn hlumtu Cunnu

'Nu' ti'h a tangnem belh nawmzia cu

Kei ka sim thiam lo,ka sim cawk lo

·        Suahsempi u-nau,thianrual lungduh

Hnamtin naufa leng nan ruat cio maw?

Kan neih , kan theih , kan sinak hmuah hi

In kilkhawitu "Nu-Nui" ruang a si