K.U, Dam Takin Mangtha Aw!

03/06/2010 22:38

- Lalchhanhima

Chun leh zua duhsakna zarah,
Suihlungmawl-val ka lawi ve a-
Kalay University(K U)-ah .
A hmun-mual reng a mawi chuang e,
Ami leng zawng nau ang nuiin;
Kan lawiza thin suihlung rualin.

Sakhming thang chuang Thaikawi Runpui-
Bela chhun ni ka hman laiin;
Hun lo hrangin min hnawl ta si,
A tangnem belh ka kham hmain.
Sam ang then ka la tiam nem maw,
Ka la kham lul lo asin le.

Tuar nem thei hian ka mawi lo e-
Nang ngaih awmhar lenglen tawrh reng,
Kum-sul tam lam ang her mah se.
Enchim loh aw....Zirna run-hliap,
Zaleng tin kimna run nuam tak;
Hmun dang,ram dang ngai lova kan lawina.

Khuannu leng ruat leilung pianken-
Hringnun par ang chuai mai thin hi;
A kalh zo lo'ng e lunglen hian,
Ngaihlai bang thei lo mah ila.
Hei chauh tal hi a tawp nan aw;
"K U, Dam Takin Mangtha Aw....."

****Hei hi keimah ang bawka Kalay University (Zawlkin thiam thang
runpui)-a kal a,kham lo taka chhuak tate tan ka hlan e.*****