MIZO MIZONA HUMHALH

Phekpui>Inneih hmaa chên dun leh Sex hman dan bawhchhiatna a ni lo : Supreme Court

Inneih hmaa chên dun leh Sex hman dan bawhchhiatna a ni lo : Supreme Court

25/03/2010 17:16

Supreme Court chuan inneih hmaa chên dun leh mipat hmeichhiatna hman hi dan bawhchhiatna a ni lo tih Thawhlehni khan a sawi.

Magazine thenkhatin Tamil actress, Khusboo-i thusawi an chhuah, inneih hmaa mitpat hmeichhiatna hman a tha tih thu a sawi khinna ngaihtuahtu, Chief Justice, KG Balakrishnan kaihhruai, Judge pathum awmna chuan inneih hmaa mipat hmeichhiatna hman leh chen dun chu dânin a khap lo tih an sawi a, Chief Justice chuan, "Puitling pahnihin chên dun an duh a nih chuan engnge thilsual a nihna? Chen dun hi thil sual a ni lova, thil sual a ni thei lo bawk," tiin a sawi a, chen dun chu India danpui hnuaia khua leh tuiten dikna chanvo an neih, Right to life peng pakhat a ni tih sawiin, complaint thehluttuten Khusboo thusawi hian India thalaite rilru a diklo zawnga a hruaisual thei nia an sawi chungchangah Supreme Court chuan, Khusboo hian ama mimal ngaihdan a sawi a ni, tia sawiin, Hindu thawnthu-ah Lord Krishna leh Radha te pawh an chên dun thu an sawi chhuak nghe nghe a ni.

Khusboo hian interview a neihnaah he thu hi sawiin, kum 2005 khan chu chu Magazine hrang hrangah tihchhuah a ni a, Khusboo khinna hi kum 2008 khan Madrash High Court pawhin alo hnawl tawh nghe nghe a ni.

Thulakna: Zothlifim

Back