India Ramah Sal Zalenna Dar A La Ri Lo

Policymakers, activists leh scholars-ten an chhut danin, khawlvel hmun hrang hrangah tunlai sal(modern slaves) maktaduai 30(30 millions) vel an la awm a, a tam ber chu India-ah a ni.

Tunlai khawvel hun tharah hian sal tluka chhawr leh enkawl mihring maktaduai 30, khawvel hmun hrang hrangah an la awm a, India, Spain, Kenya, Columbia, China, Cuba leh ram dangahte an awm tam niin chhui mite chuan an sawi.

India-ah chuan ‘bonded labor’ an tih leiba thanga awk hnathawktu mi rethei tak tak, dam chhunga an leibatnate hna thawk tam tak an awm a. Chu’ngte chuan an pa-te, an pu-te hun atangin, mi hausa tawntawte hnenah pawisa bat an lo nei tawh a, chu chu anmahni hunah pawh rulh zawh a la ni lo a, a rulhna atan an batnate tih ang angin, rim takin hna an thawk a ni. He’ngho hian ei-in kham khawp an hmu lo a, lehkha an zir ve ngai lo a, fate an nei ve a nih pawhin – an fate pawh chuan chu leiba rulh hna chu an thawk a, hmun dangah an kal chhuak ngam lo a, thil dang ngaihtuah nachang an hre nahek lo. Kum 14 vel leka upa pawhin leirawhchan siam/rawh hna te leh hna hrawmhraw tak tak an thawk thin a ni.

India ram danin he’ng leiba thanga awk hnathawktu tunlai salte(bonded labors/modern slaves) ang hi danin khap tawh mah se, dan ken kawh zawh loh vang leh ngaihsak tak tak lohna avangin he’ng sal hi tam tak an la awm. A bik takin thingtlang khawte leh mi rethei awmna khawte-ah he’ng sal hi an la tam hle a ni. He’ngho hian kum 30 liam ta atang tawh khan India dan chuan leiba thanga awk hnathawh hi a lo khap daih tawh a ni, tih an hre hlawm lo!

Thulakna: CNN