India miten, ekin aiin Mobile phone an indaih zawk

16/04/2010 17:22

India miten, ekin aiin Mobile phone an indaih zawk tih UN-in a sawi. United Nations University Institute for Water, Environment and Health Director, Zafar Adeel chuan, India rama cheng zahve deuh thaw ten, Mobile phone an neih laiin an mahni ang zat vel bawk chuan, inthiarna tur ekin leh zunin an neilo a ni a ti a, hemi avang hian, zunram thiarnamumal loh vanga natna thleng thei chungchang inzirtirna mumal tak neih a tul zia a lang a ni tih a sawi. United Nations University Institute for Water, Environment and Health hian, Millennium Development Goalon sanitation by 2015 ruahmanna hnuaiah, India ram zir chian hna hi a thawka, kum 2008 tawp thleng khan, ram mipui maktaduai 366, ram mipui zaa 31 hu chuan inthiarna tur ekin leh zunin an nei lova, hetih lai hian Cell Phone hmang erawh chu mi maktaduai 545 an awm thung a, kum 2000-2001 khan cell phone nei mipui zaa 0.35 an awm tawka, tunah erawh chuan zaa 45 velah a pung chho hman tawh tihna a ni. WHO leh UNICEF-in ram hrang hrang a zirchianna-ah pawh India mimaktaduai 665 chu khawlai remchangala inthiar an ni tih tarlan a ni a, hemi avang hian, India hi, khawvel puma zun leh ek thlahdah ber ram a nih phah mek a

Thulakna: Mizo Bazar

Back