India aiawha khel tur Lalruatkima

Ni 8 - 10 October 2010 chhunga khelh tur 5th World Taekwondo Poomsae Championship, Taskent, Uzbekistan-ah India aiawh turin Lalruatkima a kal.

Ruatkima hi Ramhlun Sporting Club atanga zirchhuak niin, tunah hian 1st Bn MAP-ah a awm mek a, kumin May thlaa 4th National Taekwondo Poomsae Championship, Gujarat-a buat-saihah khan Individual category-ah bronze lain, Pair category-ah silver a la a, chuta tang chuan selection trial turin Goa leh Guwahati-ah koh a ni a, selection hi tha takin a paltlang ve ve a ni.

World Taekwondo Poomsae Championship hi Individual, pair (mipa leh hmeichhia) leh group-a khelh a ni dawn a; Ruakima hi group category-a khel tura thlan a ni. Group-ah Jammu & Kasmir mite pahnih nen an tangho dawn a, India pawhin beiseina sang tak anei a ni. India Team hian October ni 5 hian Delhi atangin India an chhuahsan ang.

World Taekwondo Federation (WTF) buatsaih World Taek-wondo Poomsae Championship hi Sparring ang ni lovin a ‘lam’ a ni a, sparring nen a hlutna a inang reng a ni.

Hetih lai hian MATA general secretary Joseph Thansanga, Sr.Vice President V.L.Sawma, Vice President K.Laldawngliana leh R.Lalrinmawiate chuan Commonwealth Games chhim tur leh zirchiang turin Delhi-ah an cham mek a; 2nd East Zone Taekwondo Championshp, Aizawla 3-5 November-a buatsaih tur chungchangah TFI President Harish Kumar IPS (Retd) leh Dr. HT.Sanglianate an hmu bawk dawn a ni.

Thulakna: Mizo Aw