HMANGAIHNA MITTUI

18/03/2010 17:04

-Khawlthangvuta , Letpanchaung

Chhungril dawn lungruk hlan ka zuam lohna che hi
I tawnah hriatloh chhingkhual ka channa maw lo ni
Khuangruahpui leh chung khua ri rum rum kar-ah
Khui ni reng awm lo sen lai nau ang ka tah.

Chhing mittui i tana far chhuak chuan
A fin, Hawk tui luang nu bulh bulh-an
Tham ral lo ten zo tui thiangah ri her her-in kal lai rem e
Ri dem demin tlang tin ruam tin a hrut zel e .

Anpai tuipui zauvah hnutiang hawi lo te'n
Kal lai a rem zel e lungphang lo te'n
A tawnah chungtur ni pui a hrang rua e
Van rang chhum-an doral hlau a her chho zel e.

Virthli chuanin thangvan sangan leng del del e
Di en chim loh i tan hliaptu van rang a lo ni e
Thinlai hnemtu zawngin a bua lei'an
Hmangaihna a zam chiai e Sabereka Khuangkaih-ah hian.

I dawn ve ngai em, Van rang chhum hmangaihna-a tih khah
Chhing mittui, Khuangruah pui leh chung khua ri kar ah
I tawna a luan ral dan hi
I hre si lo Hmangaihna Mittui-a i sak ruang bual a nih dan hi.

NB: He thu ruahtham loh te hi , ka thian leh U nih kawp , Tv. F.Lalliangsanga'n ( Hnehtu ' Editorial Board Secretary @ W.Y Sekibuhchhuak Editor thawk mek ) a duh tawka mi siam rem sak a ni ---Cheraw 'tih sup sup kha a reh tawh ka ring deuha , ngampa takin ka han thai lang ve a ni e.

Back

Comments

Date	18/03/2010
By	kawltea varte of hmeltha veng
Subject	tizel rawh

dear vuta,
i titha hle mai,mizote,a bikin kawlrama chengte hian hlahril hi ngaihsanna chang kan la hre lova-kan hnam hlahril,kawlho hlahril erawh chu kan tuipuiin kan ziak kur ngiai nguai a,chutihlai kara hlahril tha tak mai i rawn ziak hi ka chhuang che a,i kut chawl mai lova zofate tan thu leh hla tui han leih zel teh khai....