Hmangaihna Kan Tih Hi

11/10/2010 01:36

Pa pakhat hian Satel hi a nei a. Chu a satel chu a duatin a hmangaih em em a, a tan liau liau tuikhur tha tak leh nuam tak mai a siamsak a. Ni tin chaw thain a chawm a, a en a, a hlimin a lawm em em thin.

Tuk khat chu a satel chu tuiah a lo lang a, a che/chang ta miah lo hi lo ni rengin! Chu Pa chuan pawi a tiin a ui em em mai a. A tap a, a thian thate phone-in a hrilh kual a, a hmangaih em em satel vuina hun hmanpui turin a sawm hlawm a. A vuina hun ropui tak leh urhsun taka buatsaih tura a inbuaisaih mek lai chuan, a satel chu a lo che leh ta tiai tiai a. A lo harh leh ta a. Chu chu a neitu chuan a hmuhin a thin a rim lutuk a, engkim a vui nan a buatsaih fel vek tawh a, a thian thate pawh a hrilh kual vek tawh kha a ni si a.

Tichuan ,a satel chu a man a,a sahuatna lai takah turthir-in a vit hlum ta a ni.

Zawhna: He Pa hian a satel hi a hmangaih tak tak em?

Back