HLA THLAN - CHUN KHAT HRIN
A phuahtu: Lalsangzuali Sailo
Chun Khat Hrin 
A satu: Lalrindiki Khiangte
Dawn chiang ila leng zawng hian,
Kan hnam leh kan ram timawi tu;
Lusei, Hmar, Paihte, Kuki le Mara leh Lai,
Chhul khat kual, chun khat hrin kan lo ni e,
Lungrualtea lengzain,
I ṭang rual ang, unau za kan ni,
Hnam leh chibing inchhemhar mai lovin,
Remna hmangaihna par chuang rawh se.
Unaute'n hai tawh lovin,
Insuihkhawm leh zai rel ila;
Chhinlung chhuak Zo fa hnahthlak zaleng zawngte,
Zaikhatah siktui ang luang zawk ang u.
Inpumkhata dingnghetin,
Min hneh lo'ng doral hrang mahse,
Thlamuang hlim in hma kan sawn zel dawn e,
Van hnuaiah Zo hnam a ropui zel dawn.
Thulakna: https://robawm.com
Comments
Contact
Search site
NGAIHDAN
Ngotekherh Puanchei
Puandum Hmaram
THU KAM HNIH KHAT
TLAWHTUTE
MIZO LEH ENGLISH THUFIAHNA
