Google vs Facebook

Tunlai Web khawvela Google leh Facebook innek dan vel hian tunlai chu mithiam tam takte titi a ti tam hle mai a. A hnuaia lem kan rawn tarlan atang hian Facebook than chakzia, Google tan ngawih mai mai a hun tawh lohzia kan hmu thei.

 Ni 25 August 2010, Nilaini khan Google chuan Skype (Make the most of Skype - free internet calls and great value calls) eltu tur – Gmail hmangtuten e-mail inbox atanga landlines leh mobile phone call theihna a tichhuak a nih kha.

Nikum khan Skype hian international voice calls-ah hma a hruai a, ni 30 June-ah khan Skype hmangtu chu mi maktaduai 397 atangin mataduai 560 an tling ta hial a ni! Chutih lai chuan Gmail hmangtu chu mi maktaduai 200 vel chauh an ni thung!

Google chuan he phone call-na a siam hi Skype aia tlawm zawka hman theih turin a ruahman a,a bik takin UK, Mexico leh France biak a tlawm lehzual.

Kumin chhung chu US leh Canada call man free a ni a, ram dang call nan pawh minute 1-ah cents 2 chauh chawi tura ruahman a ni.

Google hian theihtawp a chhuah ve zel a, kumin kum tir lam khan Gmail hmangtute tan free voice and video calls a tichhuak a, chu mai bakah Google Buzz pawh a tichhuak bawk a nih kha. Tin, Google hian social network lar tak Facebook thattu turin “ Google Me” social network  a tichhuak dawn a, chumi atan chuan a inpuahchah mek a, games tichhuaktu leh mithiam tam tak pawh a be tawh, tih thawm pawh a awm bawk.

He lem hi Facebook Resource tanga kan lak a ni tih erawh hrereng chungin, Facebook-in Google a khum dan hi en rawh le -