Google vs Facebook

10/11/2010 01:21

Khawvel mi tluklehdingawn chuangin nitin an hman, khawvel-a search engine lian ber Google chuan mi maktaduai 500 chuang hmangtu nei, khawvel social network lar ber Facebook-a Gmail contacts lak luh (import ) mai theih ( Gmail atanga contact pekchhuah (export) ) thin chu a kharsak. Chuvangin, Facebook-in Gmail contacts chu mahni computer-a dah/ lak/ copy phawt a, chu chu Facebook-a hlanchhoh (upload ) theihna link a siam ta a ni.

Facebook leh Gmail hmang thin i nih chuan, Facebook thian zawnna (Friend Finder ) atangin i Facebook-ah khan i Gmail contacts lak luh tum mah la, email dangte angin i contacts chu a lak theih ve loh ang a, hei hi a lo lang ang, “ Google chuan i contacts engmah a pechhuak lo. A hnuai atang hian i Gmail contacts file hlangchhovin i Gmail contacts thiante i la zawng thei tho (Google did not return any of your contacts. You can still find your friends on Facebook by uploading a file of your Gmail contacts below.)” tih hi.

Google hian Web khawvela a ramluah tam tak chhuhsak thei social network thang chak tak Facebook hi a a huphurh ru hle a, tun tuma hetiang a tih chhan pawh hi Facebook tan chanvo tha siamsak chhunzawm a duh loh vang niin a lang.

Back