General Than Shwe-a President a ni dawn em?

02/11/2010 17:13

Burma ram kumin inthlanah hian Union Solidarity and Devolopment Party (USDP) hian hnehna kan chang a nih chuan Snr-Gen Than Shwe leh Vice Gen Maung Aye-te hi USDP members an nih loh avangin President an ni lo vang tiin, USDP general secretary Htay On chuan a sawi. Sawi chhunzawmin, Pu Than Shwe hian ram hi a hmangaih a, a thatna tur a ngaihtuah reng a, chuvang chuan hetianga hmasawnna lam hawi Pawl hi din pawh a ni. Mahse ani chu a tel lo vang, a ti. Chu bakah USDP hi thlan tlin a nih chuan President tur pawh ruahman sa a nih thu a sawi bawk. (Oct.28, Irrawaddy)

Parliament zawha sipai sawrkar bang dawn
Inthlan zawh Parliament thut thlengin Sipai hian sorkarna an la vuan ang tiin, Agrivulture leh Irrigation Minister, USDP genaral secretary ni bawk Htay Oo chuan a sawi. He thu hi USDP headquarters Bahan Yagon-ah Chanchinbu mite ko khawmin mipui hriata a tum khatna atana USDP thu tlangzarh a ni. U Htay Oo chuan inthlan zawh atanga ni 90 hnuah Parliament rorel a intan ang a, chu chu 2008-a ram inkaihhruaina danin a duang ang a ni, a ti. Chumi awmzia chu Feb. 4-ah sipai thuneihna a tawp dawn tihna a ni ang. USDP hian hmun 1158 atangin inthlan an chuh dawn a, chuhtu awm lohna hmun 54-ah hmun 52 an neih sa thu a sawi bawk.

Thulakna: Zo Kawtchhuah

Back