EXCISE & NARCOTIC DEPARTMENT LEH CYMA TEN RUIHHLO DO DAWN

03/06/2010 21:13

Vawiin khan Pu J.H. Rothuama, Excise & Narcotic department changtu chuan Central YMA leh Excise& Narcotic department hotute an hmalak mek ‘Ruihhlo Do’ chungchang a sawipui. Meeting ah hian Pu Lalbiakmawia Khiangte, Commissioner of Excise & Narcotic hovin Excise department Officer te leh CYMA hotute Pu Lalchungnunga, President, CYMA kaihhruai te an tel a, Minister hian CYMA hnenah an hmalakna puih na atan Rs 50,000/- a hlan nghal.

Minister chuan Excise Department hmalak mek na ‘Ruihhlo Do’ kawng a CYMA in ke a rawn pen leh chu lawmawm a tih thu leh sawrkar hmalakna ti chak tura tlawmngaih chhuah zel turin CYMA chu a sawm a. Pu Lalbiakmawia Khiangte, Commissioner, Excise & Narcotic department pawh in CYMA nen a an thawkho leh thei tur chu lawmawm a tih thu leh inpawh tlang taka thawk ho zel turin Excise Department pawh a in peih a ni a ti. Central YMA chuan kumpuan thupui ‘Khawtlang nun siamthat’ beihpui thlakna kawng pakhat atan ‘ruihhlo do’ hi kal pui a nih thu sawiin Pu Lalchungnunga, President, CYMA, Pu J.H. Zoremthanga, Vice President, CYMA, Pu Lalbiakzuala, Secretary, CYMA leh CYMA hotu thenkhat ten thusawina hun an hmang nghal.

Thulakna: DIPR

Back