EPTU PAWL / RED SHIRTS-HOVIN SENATOR RUAL PALAINA PAWM, MAHSE...

19/05/2010 01:18

Thailand eptu pawl,kum 2006 a sipai chakna hmanga paihthlak tak, an ram PM hlui Thaksin Sinawatra lam tang - Red Shirts-ho chuan Senator 64 rualte palaina (inbiakemna nei turin) an pawm theih thu an sawi.Eptu pawl hotu lu pakhat - Nattawut Saikua chuan, “ Inbiakna nei tura Senate palaina chu kan pawm ta e. Hetianga kan tih mai loh zawngin nunna engzat nge kan chan chhunzawm leh dawn hriat a ni si lo,” a ti.

Upper House-a Senator 150 zinga 64-ten he palai hna ruahman hi an duh a. Midang 40-te erawh chuan, eptu pawl / Red Shirts-ho hi sorkar-ah inpe a, an thil tihsual – rawlrala an cheta dan an bawhchhiatna te avanga rorelna hmachhawn turin an duh thung.

UN's top human rights official chuan sorkar leh eptu pawl lam chu an indona titawp a, an buaina chinfelna atan inbiakna nei turin a nawr.

Hetiang hian Thailand eptu pawl / Red Shirts lamin inbiakremna neih an pawm thu sawi mah se, Thai prime minister's office spokesman chuan eptu pawl / Red Shirts-ho hi an daih hnuah chauh inbiakna hi neih theih a nih tur thu a sawi.

Ni 18.5.10 , Thawhlehni khan eptul pawl / Red Shirts-ho chu Bangkok khawpui hmun lun leh pawimawh laia inkulhnaah an la phu mur mur reng tho a, mi 5000 vel zet a la tling nia hriat a ni.

Kar kalta Nilaithawhtanni atanga chhiarin he buaina avang hian mi 37 an thi tawh a, mi 290 velin hliam an tuar tawh a ni.

Thulakna: CNN , Al Jazeera

Back