Daduhi’n Vanlalruati Kan

19/04/2010 19:45

Zaithiam lar London lama khawsa ta Lalrindiki Khiangte (Daduhi) chuan tunlai hian London a hnathawhna atang a rawn chawlin Aizawl-ah a khaw sak lai a ni.Cancer natna avanga khum beta nâ Vanlalruati chu April ni 13,2010 zan khan Vanlalruati khawsakna ChawnpuiVengah a kan a ni. Daduhi’n Ruati a han hmu chu a lainat hle a ni, ‘Dik tak chuan sawi ila, u Ruati tluka Mizo zingah zaithiam dang an awm lo ’ a ti. Daduhi hian Ruati hla sak lar ‘Autograph’ tih leh ‘Darthlalang’ tih hla hi a hnua sa lar ve leh a ni tih chu kan hre theuh ang.Hetih lai hian Daduhi pasal Hruaitea chuan April ni 12, 2010 khan Aizawl chhuahsanin London a pan leh tawh a, amah Daduhi hian April ni 19, 2010 hian London panin Aizawl a chhuahsan leh ang.Daduhi hi Aizawl Doordarshan leh ZONET-in interview an neia, CM nupui Pi Rii’n an Bunglow-a lengah a sawm angin CM Bunglow a thlawh bawk. Lelte zawhna changin London lamah kum 2 vel chu an la awm a ngiah tur thu Daduhi hian a sawi.

Thulakna: Lelte Weekly

Back