CRIME AGAINST WOMEN CELL HAWN A NI

10/06/2010 19:42

Nimin chawhnu dar 2:00 khan Pu Joseph Lalhimpuia, Vice Chairman, HPC Lunglei chuan Lunglei a Police Station ah Crime Against Women Cell a hawng. Khuallian Pu Joseph Lalhimpuia chuan thusawiin India ram leh Mizoram in a ngaih pawimawh em em hmeichhia te humhalhna tur Lunglei District a a din hmasa pawl kan ni thei hi a lawmawm hle a. Lunglei tan hmasawnna ropui tak a ni, a ti. A sawi zelna ah hmeichhia te dinhmun chawisan chu sawrkarin a ngai pawimawh a India Danpui hnuaiah a bik taka duhsakna siam an nih thu a s awi.

Inkhawm kaihruaitu Pu Lallianmawia, SP chuan India ram pumah hmeichia lak a hleihlenna a nasat avangin sorkar laipui chuan Police Station zawng zawng ah Women Cell hi hawng vek turin thupek a chhuah tih a sawi Cell an hawn theihna atana hmalatu sorkar leh HPC Vice Chairman chungah lawmthu a sawi a ni. Crime against Women Cell bik ah hian Hmeichhe SI 1 (pakhat) leh Constable hmeichhia 3 (pathum) ten an enkawl dawn a ni.

He Cell hawnna ah hian MHIP Sub-Headquarters Lunglei hruaitute leh Media lam an kal tha hle a ni.

Thulakna: DIPR

Back