COUNTRY ROAD , TAKE ME HOME AGAIN

-Editor

Kuala Lumpur-a khawsak zawng keini ang duang khawte-pa tan chuan a awl lo a ni ang e – ka lung hi a leng em em thin ringawt mai a.Hmun thawveng veng venga han awm thengthawh viah viah te hi ka chak hle thin.Mahse, hun-tui-luangin min lenna hmunah nakin hun ngaihtuahin ka awm a tul si a nih hi!

(Kum 2009 kha a ni a) Tum khat chu ka class theihnghilh thak khawpin ka suangtuahnaa lo lang in lem ka ziak a.Kan Skul naupangho an ninhlei tehreng nen, chumi tum chuan ka suangtuah ramah an rawn cheng ve emaw tih turin min rawn zim a, ngawi karin ka lem ziah chu an en thap mai!Ka zo fel tihah naupangho chuan , xerox copy siama pakhat theuh pe turin min ngen ta hlauh a.Tichuan copy khat theuh ka pe ta a.

Kum 2010 kan lo chuang kai ta a,ka class – Class A bakah, kar khatah darkar 4 chhung Class B-ah Bible leh Grammar ka zirtir thin.Ni 1 February 2010 , thawhtanni – Class B zirtir tura ka va lut chu(h)-kum 2009-a ka lemziak, ka suangtuahna mitthlaa in kha an thiam ang tawkin color an lo pe a,bangah uluk takin an lo tar hi lo niin!Ka han en vang vanga rilru eng emaw ti takin a awm a,ka en nawn ka en nawn fo.Vawiin thleng hian chu lemziak chu an la tar a, class ka neih apiangin ka thlir vauh vauh thin a,kar hlaa kan run in , kan vangkhua ka ngaih a zual em em thin.

Hetah hian “Thomas Himtea” tiin min ko mai thin.Chu lemah chuan hei hi an ziak nghe nghe, “Teacher Thomas’ House In Myanmar” tih leh “Country Road, Take Me Home Again” tih hi.

A ni tak asin, hunin hun tha min siamsak ang a, kan run / kan vangkhua panna kawng ngei zawha ka kir leh theih hun ka nghakhlel tak meuh a ni...