China chuan a ram mi te Thailand tlawh lo turin ngen

14/04/2010 16:16

China chuan an ram atanga Thailand ram tlawh tumte chu Thailand a eptu pawl lungawi lo-te avangin zin rih lo turin a hriattir. China National Tourism Administration chuan, thu leh awm hma chu, a huho-a Thailand a khual zinte zin theihna tura ruahmanna awm sa chu ti tawp vek turin Travel Agency-te hriattir an ni tawh tih a sawi a, China foreign ministry chuan Thailand-a nawrhna vanga buaina hrang hrang awm mek chu, sawrkarin a tihtawp dan ngaihtuah thuai se a duh tih a sawi bawk. Hetih lai hian Thailand a eptu pawlte chuan, an thil phut sawrkarin a tih hlawhtlin hma chuan lungawilohna lantir chhunzawm zel an tum tih vawiin khan an puang a, an pawl hruaitu Weng Tojirakarn chuan, an phut angin an ram PM Abhisit Vejajiva chu a bang ngei tur a ni a ti a, an ram rorel khawl Parliament thiah a sawrkar thar siam tura inthlan that anih tur thu PM in a puang anih chuan, an khawpui Bangkok-a an punkhawmna hmun chu an chhuahsan ve nghal dawn tih sawiin, PM chuan thutlukna dik lo siam lo se an duh tih a sawi a, an thil phut a hlawhtlin hma chu an dinna ngaiah an ding reng dawn tih a sawi bawk.

Thulakna: Mizo Bazar

Back