CHIN COMMON LANGUAGE ATAN " MIZO 'DUHLIAN' TAWNG "?

Thlalak / List : Huivalenthiam Groupmail - Pu Mama (Mizo Media)

Tuna “Mizo Tawng” kan tih mai “Duhlian Tawng” hi Mizo hnahthlak tam zawkten insuihkhawmna tawng atan tha kan ti ber a, a tling tawk ber bawk a ni.Mizo Tawng hi tichangtlun deuh deuh turin tan i la zel ang u khai.

Tunlai hian kum 2010 Burma ram inthlan zawh hnu-a, Chin Common Language tur sawi thawm neuh neuh a tam hle a. Burma rama "Chin" tia koh Mizo hnathlakte zingah hian chi leh chi inelna hi a na em em mai a.Mahni chi peng tawng theuh hman theih dan  buaipui vek a ni.

Nimahsela, mahni chi peng tawng theuh an thlan hnu-ah, anmahni tawng zawh chiaha an thlan chu - tuna kan sawi  Mizo Tawng hi a ni vek.Hei hi tun hma leh tun hnua Chin Common Language atana sawihona lian leh te, titi-hona leh ilo apiangah a ni deuh zel.Chumi awmzia chu tuna kan Mizo Tawng hi Burma ram Chin Common Language atan duh an tam ber tihna a ni.

Burma ramah hian Mizo Hnahthlak - Chin 400,000 / 500,000 vel an awm nia hriat a ni a, tuna kan Mizo Tawng hi Common Language atan an thlan chuan tun ai hian Mizo hnahthlakte kan insuihkhawm tha zawk ang a, kan inpawh tlang bawk ang a,Mizonaah chiang deuh deuhinMizo Hnam a lo chak zual sauh sauh ngei ang. Literature hi min phuarkhawmtu a ni a, Hnam-hnuk a ni tih hre reng ila, mahni chi peng hamthatna atan chauh ni lova Mizo Hnam pum tan i ngaihtuah zel ang u.Hawh u, Pathianin Hnam ni ve tura min lo din Mizo tlemte te insuihkhawmna tur dik tak Mizo Tawng tan hian theihtawp chhuah zel ila, Hnam ni ve tura min lo dintu hnenah i tawngtai fat fat ang u khai.

Thulakna / Thu Rawn : - Chin Groupmail hrang hrang

                                   - Mimal leh Pawlho ngaihdan hrang hrang

                                   - B.Lalthangliana , Zotui