Cheraw Kan Laia Helicopter Thlawh Loh Chhan

13/03/2010 01:28

Art & Culture Minister chuan Pu P.C.Zoram Sangliana chuan nimina Guinness World Records Adjudicator press conference a tawiawmnaah chanchinbumi pakhat zawhna chhangin nimina world record siamna atana cheraw kan laia thla la tura helicopter hman a nih lohna chhan chu helicopter hman tur tifel vek a nih tawh hnu-ah, engkim fel veka ngaih a nih hnuah helicopter boruak atanga thla la tur chuan phalna hran a ngai tih hrilh tlai khawhnu an nih vanga chutiang phalna chu lak hman a nih tak loh vang a ni a ti a. Nizan hmasa dar 11:00 thleng khan engkim a nih tur ang a ni vek tih a hriat hnuah nimin zing lamah khan hetiang phalna a ngaih thu hi hrilh tlaikhaw hnu a nih vanga helicopter chu rawn thlawk ta lo a ni a ti.

Zawhna dang chhangin Pu Ramsanga chuan World Record siamna atana senso chu an la chhutchhuak vek hman lo a ni a ti. World record siam a nih bakah thalai sing chuangin Mizo hnam lam cheraw an han thiam thar ta hi Mizo culture humhim leh vawnnunna kawngah ke penna ropui tak a ni a ti.

Thulakna : MIZO AW

Back