Cheraw kânah Mizoramin world record a siam ta
13/03/2010 16:01
Khawvela a ruala Cheraw (bamboo dance) lám tam ber record chu nimin khan Aizawlah siam a ni. Hei hi Guinness Book of World Record-ah ziah luh a nih thu, Guinness adjudicator, Lucia Sinigaliesi chuan a puang.
Cheraw kân hmanga world record siam hi AR Lammual chhung leh Chanmari leh Sikulpuikawn inkar kawngpuiah neih a ni a. A tàwpa Lammuala hun hmanah London atanga lo kal, Guinness adjudicator, Lucia Sinigaliesi chuan Cheraw kântu zawng zawng hi mi 10,736 an ni tih sawiin, khawvel record thar a nih thu a puang a; Guinness-in certificate a siam chu Art & Culture Minister, PC Zoram Sangliana hnenah a hlan a ni.
Guinness certificate-ah hian, "The largest bamboo dance was achieved by the People of Mizoram in Aizawl, Mizoram, India, on 12 March 2010" tih a inziak.
He mi hnu hian Art and Culture Minister, PC Zoram Sangliana chuan cheraw kana Mizoramin khawvel Record a siam ta chu Pathian vang a ni tih sawiin, 'Lalpa chu ropui ber rawh se,' tiin a au a, mipuiin 'Halleluiah' tiin an chhâwn a, hemi hnu hian Mizoramin world record a siam lawm nan hnehna hlado chham a ni a, silai an kap a, zaithiamte zaiin Lammualah a lawmna hun hman zui a ni a, Lammual khatin mipui an lâm a ni.
Nimina Cheraw kântu mi 10,736-te hian bu 671 an daih a; Lammual khata an lam bakah, Chanmari leh Sikulpuikawn inkar kawngpui khat tlatin an lam a ni. Cheraw kân hi Lammual atanga kaihhruai a ni a, kawngpui dung hmun eng emaw zatah mike horn dah niin, a kântute chuan a rualin an kân thei a; an kân hun chhung hi minute riat a ni.
Guinness Book of World Record siam hi mipuiin an hlut hle a, Lammual khat tlat mipui an pungkhawm a, Chanmari leh Sikulpuikawn inkar kawngpui dung zawng zawngah mipui an awm khat tlat bawk.
Cheraw kân zawh hnu hian kawngpui dunga kântute leh mipuite chu Lammualah an lut khawm nghal a, Lammualah hian zaithiamte zaiin, hun hlimawm tak hman a ni. World record siam a nih thu puan a nih hian a lawm nan balloon thahnem tak chhuah a ni.
Cheraw kâna world record siam hi phai lama media lian tak takte leh ram pawn lam mi thlengin an hlut hle a ni.
He record hi a awm sa khûm (break) ni loin, siam thar (set) a nih thu Lucia chuan a sawi.
Cheraw kân hmanga world record siam hi AR Lammual chhung leh Chanmari leh Sikulpuikawn inkar kawngpuiah neih a ni a. A tàwpa Lammuala hun hmanah London atanga lo kal, Guinness adjudicator, Lucia Sinigaliesi chuan Cheraw kântu zawng zawng hi mi 10,736 an ni tih sawiin, khawvel record thar a nih thu a puang a; Guinness-in certificate a siam chu Art & Culture Minister, PC Zoram Sangliana hnenah a hlan a ni.
Guinness certificate-ah hian, "The largest bamboo dance was achieved by the People of Mizoram in Aizawl, Mizoram, India, on 12 March 2010" tih a inziak.
He mi hnu hian Art and Culture Minister, PC Zoram Sangliana chuan cheraw kana Mizoramin khawvel Record a siam ta chu Pathian vang a ni tih sawiin, 'Lalpa chu ropui ber rawh se,' tiin a au a, mipuiin 'Halleluiah' tiin an chhâwn a, hemi hnu hian Mizoramin world record a siam lawm nan hnehna hlado chham a ni a, silai an kap a, zaithiamte zaiin Lammualah a lawmna hun hman zui a ni a, Lammual khatin mipui an lâm a ni.
Nimina Cheraw kântu mi 10,736-te hian bu 671 an daih a; Lammual khata an lam bakah, Chanmari leh Sikulpuikawn inkar kawngpui khat tlatin an lam a ni. Cheraw kân hi Lammual atanga kaihhruai a ni a, kawngpui dung hmun eng emaw zatah mike horn dah niin, a kântute chuan a rualin an kân thei a; an kân hun chhung hi minute riat a ni.
Guinness Book of World Record siam hi mipuiin an hlut hle a, Lammual khat tlat mipui an pungkhawm a, Chanmari leh Sikulpuikawn inkar kawngpui dung zawng zawngah mipui an awm khat tlat bawk.
Cheraw kân zawh hnu hian kawngpui dunga kântute leh mipuite chu Lammualah an lut khawm nghal a, Lammualah hian zaithiamte zaiin, hun hlimawm tak hman a ni. World record siam a nih thu puan a nih hian a lawm nan balloon thahnem tak chhuah a ni.
Cheraw kâna world record siam hi phai lama media lian tak takte leh ram pawn lam mi thlengin an hlut hle a ni.
He record hi a awm sa khûm (break) ni loin, siam thar (set) a nih thu Lucia chuan a sawi.
Thulakna: Vanglaini
Comments
No comments found.
Contact
Search site
NGAIHDAN
Ngotekherh Puanchei
Puandum Hmaram
THU KAM HNIH KHAT
TLAWHTUTE
MIZO LEH ENGLISH THUFIAHNA
ZOTUI THIANG GROUP(MAIL)
ENG WEBSITE ATANGIN NGE HETAH?