Champhai District-ah Naupang 2 Pawngsual

07/12/2010 15:38

Ni hnih/khat kal ta chhung khan Champhai Dist. ah kumtlinglo pahnihin pawngsual an tawk.

Khawzawl Police Station OC Pu H. Lalthanga sawidanin Pathianni chawhnu lam inkhawm hlan khan Chalrang khaw naupang kum 5 mi chu an venga kum 30 mi Lalhunliana`n an khaw dai ramhnuaiah hruaiin a pawngsual a. He hmeichhe naupang hian a pawngsualtu hi a mi nel sa niin ei tur lei sakah a sawm a, amaherawhchu lei lovin ramhnuaiah a pawngsual a, an In bulah hruai kir lehin a thiltawn hi a sawi chhuah chuan thah hialah a vau zui niin naupang hian a sawi. He thil thleng hi POlice ten an hriat veleh Lalhunliana hi an la nghal a, nimin khan Champhai-ah Judicial Custody turin an rawn thawn a ni. Lalhunliana hi nupui pawm lai nei, fa pathum nei lai a ni.

Inrinni khan Kawlkulh bul Vankal khua hmeichhe naupang kum 9 mi chu Lalrozauva (30)-in a pawngsual nia hriat a ni a, he hmeichhe naupang hi rilru lama rualban lo a ni. He hmeichhe naupang leh a pawngsualtu hi tunhma lama innel sa an ni a. Lalrozauva hian an Inah hruaiin a pawngsual a, amah hi Khawzawl Zaingen Veng a mi, Vankal-a nupui nei niin Police te chuan an sawi a, Champhai Jail-ah Judicial Custody-a hren tura rawn thawn a ni tawh bawk.

Thulakna: https://www.champhai.net

Back