CHAMPHAI DISTRICT AH HANDLOOM EXHIBITION NEIH A NI

02/03/2010 20:25

Vawiin chawhnu dar 2:00 khan CHANEM Building Ground Floor, Champhai-ah ZOHANFED buatsaihin Handloom Exhibition neih a ni a, DIPRO Pi K.Laldingliani chu Khuallian niin he Exhibition hi a hawng.

Pi K.Laldingliani chuan Mizo puantah hlutna sawiin Mizo hmeichhia te tan Mizo Puan chi hrang hrangte chu hnam ro hlu an ni, a ti a, Readymade Embroidery te rawn lar ve thin mahse a tak takah chuan Mizo puan bih tluka hle leh zahawm a awm lo, a ti a, puipun nikhua ah pawh Mizo puan bih tute ngei chuan zah an kai tawh a ni, a ti a, hetiang lam kawnga eizawngtu te chu induhsakna leh inlungrualna nei zela thawk ho tura fuihin he Handloom Exhibition hi a hawng a ni.

Pu Zohmangaiha, ZOHANFED President chuan he inkhawm hi a kaihruai a, Handloom hmanga eizawngtute leh an pawl hmalakna leh hmalak zelna tur a sawifiah a ni. He Exhibition hian tunkar chhung a awh dawn a, Item hrang hrang nalh tak tak lei tur an phochhuak a, District dang atang pawhin Stall engemaw zat an rawn hawng a ni. He Exhibition hi mipuiin an hlutin a lun nghal hle a ni

Thulakna:DIPR

Back