Chakma district duh thu CM-ah thlen

01/05/2010 16:09

Kamalanagar Civil District Demanding Committee chuan thuchhuah siamin, Kamalanagar Civil District din a nih theih nana hma la turin, CADC tlawh mektu Chief Minister hnenah lehkha an pe tih an tarlang.

Committee thuchhuahah chuan, inthlan dawna Chief Minister Lal Thanhawla'n Civil District pek a tiam thu tarlangin, "MLA inthlan dawna DoNER Minister Mani Shankar awm laia a lo sawi tawh ang ngeia Civil District min pe turin kan hriattir nawn leh a ni," an ti.

Kamalanagar Civil District Demanding Committee chuan, Chakma Autonomous District chu en hran bik nia an ngaih thu an sawi a; Chhimtuipui district thiata Lawngtlai leh Saiha district siam a ni leh, kum 2008-a Hnahthial, Saitual leh Khawzawl district siam a ni chuan CADC a diriam niin an tarlang.

Kamalanagar District siam an phut huamchhungah hian khaw 69 leh khaw tê zual (sub village) pali an awm a ni.

Thulakna: Vanglaini

Back